ខ្សែបម្រើស្លាបរបស់ Manchester United កីឡាករ Jadon Sancho ទំនងជាមិនអាចត្រលប់មក Borussia Dortmund ក្នុងខែមករានោះទេ នេះបើតាមការរាយការណ៍ពី Sport Bild ។
ក្លឹបនៅ Bundesliga ត្រូវបានគេរាយការណ៍ថា មិនមានចំណាប់អារម្មណ៍ក្នុងការចុះហត្ថលេខាលើកីឡាករវ័យ 23 ឆ្នាំរូបនេះឡើងវិញទេ បើទោះបីជាមានការរំពឹងទុកថាគាត់នឹងផ្លាស់ទៅ Dortmund និងគូប្រជែងក្នុងលីករបស់ពួកគេ Bayern Munich ក៏ដោយ។ ក្នុងអំឡុងពេលលេងរយៈពេល 4 ឆ្នាំនៅឯ Signal Iduna Park កីឡាករសញ្ជាតិអង់គ្លេសរូបនេះបានស៊ុតបញ្ចូលទី 50 គ្រាប់ និង Assist 64 ដងក្នុងការបង្ហាញខ្លួន 137 ប្រកួត ។
ទោះបីជាយ៉ាងណាក៏ដោយ ចាប់តាំងពីការផ្ទេរទៅកាន់កីឡដ្ឋាន Old Trafford ក្នុងខែកក្កដា ឆ្នាំ 2021 ក្នុងតម្លៃ 85 លានអឺរ៉ូ កីឡាករ Sancho បានជួបការលំបាកក្នុងការស្វែងរកកន្លែងនៅក្នុងក្រុមរបស់លោក Erik ten Hag ហើយសម្រាប់បង្ហាញខ្លួនអោយក្រុម Man Utd គាត់ស៊ុតបញ្ចូលទីបានត្រឹមតែ 12 គ្រាប់ប៉ុណ្ណោះ ។
ឥឡូវនេះអនាគតរបស់គាត់នៅ Manchester United កំពុងស្ថិតក្នុងភាពស្រពិចស្រពិល បន្ទាប់ពីមានការរិះគន់ជាសាធារណៈលើគ្រូបង្វឹករហូឡង់។ បន្ទាប់ពីបានរិះគន់ជាសាធារណៈ Sancho កំពុងតែហ្វឹកហាត់តែម្នាក់ឯង ហើយមិនមានពេលវេលាច្បាស់លាស់សម្រាប់ការវិលត្រឡប់របស់គាត់ទៅកាន់ក្រុម Borussia Dortmund នោះទេ។
បន្ថែមលើភាពមិនច្បាស់លាស់ SPORT Bild បានរាយការណ៍ថា Barcelona កំពុងតាមដានស្ថានការណ៍យ៉ាងដិតដល់ ហើយចាប់អារម្មណ៍ក្នុងការចុះហត្ថលេខាលើខ្សែបម្រើស្លាបរូបនេះក្នុងខែមករា។ ទោះជាយ៉ាងណាក៏ដោយ ការផ្លាស់ប្តូរទៅកាន់កីឡដ្ឋាន Camp Nou ក៏មិនប្រាកដប្រជាដែរ ដោយម្ចាស់ជើងឯក LaLiga មិនអាចឆ្លើយតបនឹងតម្លៃស្នើសុំ 50 លានអឺរ៉ូរបស់ក្លឹប Premier League៕
