តារាឆ្នើមរបស់ Tottenham កីឡាករ Ivan Perisic បានរងរបួស ACL ចំពេលត្រូវប្រកួត North London Derby ទល់នឹង Arsenal នៅថ្ងៃអាទិត្យ។ កីឡាករសញ្ជាតិក្រូអាតវ័យ 34 ឆ្នាំរូបនេះបានបង្ហាញខ្លួននៅក្នុងការប្រកួតទាំង 5 របស់ Spurs ក្នុងក្របខ័ណ្ឌ Premier League នៅរដូវកាលនេះ។
Tottenham បានបង្ហោះនៅលើ Twitter ថា៖ «យើងអាចបញ្ជាក់បានថា Ivan Perisic បានរងរបួស ACL នៅជង្គង់ខាងស្តាំរបស់គាត់។ កីឡាករជម្រើសជាតិក្រូអាតនឹងត្រូវទទួលការវះកាត់។ សូមជូនពរ Ivan ជាសះស្បើយឆាប់ៗនេះ»។
ការប្រកួត North London Derby នឹងត្រូវប្រព្រឹត្តិនៅកីឡដ្ឋាន Emirates វាជាការប្រកួតដ៏ជក់ចិត្តមួយ ជាមួយនឹងក្រុមទាំងពីរដែលមិនដែលចាញ់ក្រោយពីការប្រកួតបើកឆាកចំនួន 5 ប្រកួតក្នុង Premier League។
គួរបញ្ជាក់ផងដែរថា បច្ចុប្បន្នក្រុម Tottenham កំពុងឈរពីលើក្រុម Arsenal ក្នុងតារាងដោយសារតែភាពខុសគ្នានៃគ្រាប់បាល់ដ៏អស្ចារ្យរបស់ពួកគេ៕
