លោក Carlo Ancelotti បាននិយាយថាក្លឹប Manchester City បច្ចុប្បន្នគឺជាក្រុមដែលសាកសមក្នុងការឈ្នះពានរង្វាន់ UEFA Champions League 2023/24 ។
ក្លឹប Man City បានទម្លាក់ក្រុម Real Madrid របស់លោក Ancelotti ដោយលទ្ធផលសរុប 5-1 ក្នុងវគ្គពាក់កណ្តាលផ្តាច់ព្រ័ត្រ Champions League ហើយបានឈ្នះពានកំពូលរបស់អឺរ៉ុបជាលើកដំបូងរបស់ពួកគេកាលពីរដូវកាលមុន។ ថ្វីត្បិតតែចាញ់ Man City យ៉ាងអាម៉ាស់ក៏ដោយ ក៏គ្រូបង្វឹក Real Madrid នៅតែសរសើរក្រុមមេឃខៀវ។
ថ្លែងនៅមុនការប្រកួតជាមួយក្រុម Union Berlin លោក Ancelotti ត្រូវបានសួរថា តើក្រុមណាដែលគាត់ចាត់ទុកថាជាក្រុមដែលអាចឈ្នះឈ្នះពានរង្វាន់ Champions League នៅរដូវកាលនេះ0x017d7
លោក Ancelotti បាននិយាយថា៖ «Man city គឺជាក្រុមដែលខ្ញុំពេញចិត្ត ពីព្រោះពួកគេជាក្រុមដែលឈ្នះវាកាលពីរដូវកាលមុន ហើយពួកគេមិនបានផ្លាស់ប្តូរអ្វីច្រើននោះទេ។ ទោះបីជាយ៉ាងណាក៏ដោយ នៅក្នុងក្របខ័ណ្ឌ Champions League តែងតែមានការភ្ញាក់ផ្អើលនៅចុងបញ្ចប់»។
«Real Madrid គឺជាក្រុមដែលនឹងត្រូវប្រយុទ្ធរហូតដល់ទីបញ្ចប់។ យើងក៏មិនដែលគិតថាយើងជាក្រុមដែលអន់ជាងមេឃខៀវដែរ។ ពួកគេបានឈ្នះវាកាលពីឆ្នាំមុន ពួកគេអាចឈ្នះពានរង្វាន់ Champions League ក៏មិនប្រាកដថាពួកគេឈ្នះឆ្នាំនេះទៀតទេ ព្រោះអ្នកក៏ដឹងពីក្រុមរបស់យើងផងដែរ»៕
