ប្រធានក្រុម Arsenal កីឡាករ Martin Odegaard បានបញ្ជាក់ពី Aaron Ramsdale ចំពោះការបាត់បង់ជម្រើសដំបូងសម្រាប់ជ័យជម្នះ 1-0 កាលពីថ្ងៃអាទិត្យលើក្រុម Everton ។
កីឡាករ Ramsdale ត្រូវបានគេដាក់ឈ្មោះឱ្យលេងជាកីឡាករបម្រុង ដោយ David Raya ចូលជំនួសកន្លែងរបស់គាត់ និងរក្សា Clean Sheet សម្រាប់ជម្រើសដំបូងរបស់គាត់អោយក្រុមកាំភ្លើងធំ បន្ទាប់ពីគាត់បានផ្លាស់ប្តូរពី Brentford នៅរដូវក្តៅ។
អ្នកចាត់ការ Mikel Arteta បានប្រាប់កីឡាកររបស់គាត់ថា នេះគឺជាឱកាសបង្ហាញសមត្ថភាពរបស់កីឡាករគ្រប់រូប ដោយសូម្បីតែ Odegaard ក៏មិនរំពឹងថាអ្នកចាំទី Raya ជាប់ជាជម្រើសដំបូងរហូតដែរ ។
នៅពេលសួរថាពីជម្រសដំបូងសម្រាប់អ្នកចាំទីទាំងពីរ Odegaard បានប្រាប់ football.london ថា៖ «ពិតណាស់ ការប្រកួតប្រជែងគឺជារឿងល្អ។ នៅក្នុងការហ្វឹកហាត់ជារៀងរាល់ថ្ងៃ អ្នកចាត់ការបានឃើញពីសមត្ថភាពរបស់ពួកគេ ។ កីឡាករគ្រប់គ្នាត្រូវតែប្រឹងប្រែងឱ្យអស់ពីសមត្ថភាពរបស់ពួកគេជារៀងរាល់ថ្ងៃក្នុងការហ្វឹកហាត់ ដូច្នេះខ្ញុំគិតថាវាជារឿងល្អ។ វានឹងជួយអោយក្រុមយើងប្រសើរឡើងផងដែរ»។
សម្រាប់ Ramsdale ខ្ញុំគិតថាគាត់នឹងបន្តខិតខំប្រឹងប្រែងដូចគាត់តែងតែធ្វើ។ នៅក្នុងការប្រកួតទល់នឹង Everton គាត់នៅទីនោះគាំទ្រយើង លើកទឹកចិត្តយើង។ គាត់គឺជាតួអង្គដ៏អស្ចារ្យ ហើយគាត់បានបង្ហាញពីការឆ្លើយតបដ៏ល្អនៅថ្ងៃនោះដោយគាំទ្រក្រុម និងផ្តល់កម្លាំងចិត្តដល់ពួកយើង។ នៅពេលណាមួយគាត់នឹងក្លាយជាជម្រើសដំបូងវិញមិនខាន ខ្ញុំជឿជាក់គាត់៕
