លោក Erik ten Hag បានលើកឡើងថា Manchester United មិនមានការសោកស្តាយទេ ចំពោះការចុះហត្ថលេខាលើ Rasmus Hojlund ជំនួស Harry Kane នៅរដូវក្តៅនេះ។
ក្លឹប Bayern បានបញ្ចប់ការយល់ព្រមលើកិច្ចព្រមព្រៀងតម្លៃ 100 លានផោន ដើម្បីចុះហត្ថលេខាលើ Kane ពី Spurs ខណៈដែល Man Utd បានជ្រើសរើសយក Hojlund ក្នុងកិច្ចព្រមព្រៀង 72 លានផោនពី Atalanta ។
Hojlund ត្រូវបានក្លឹប Men utd ផ្ដល់ឱកាសអោយបង្ហាញខ្លួនជាជម្រើសដំបូង ដើម្បីស្ដារនូវភាពល្អប្រសើឡើងវិញបន្ទាប់ពីបានមកដល់ Old Trafford ទន្ទឹមនឹងនោះ Kane បានបង្ហាញភាពខ្លាំងនៅឯក្លឹប Bayern ដោយស៊ុតបញ្ចូលទីបាន 4 គ្រាប់ក្នុងការបង្ហាញខ្លួនចំនួន 4 ប្រកួតនៅ Bundesliga ។
ប៉ុន្តែ Ten Hag មានបញ្ជាក់ថា Men United បានធ្វើការសម្រេចចិត្តត្រឹមត្រូវ នៅក្នុងទីផ្សារដោះដូរកីឡាករ។ Ten Hag បានឆ្លើយតបនៅពេលត្រូវបានសួរថា តើ Man United មានការសោកស្ដាយដែរឬទេ ដែលមិនអាចនាំយក Kane មកកាន់ទឹកដី Old trafford ? លោកបានលើកឡើងថា៖ «ខ្ញុំមិនគិតថាយើងត្រូវជជែកគ្នាម្តងទៀតពីរឿងនេះទេ។ យើងសប្បាយចិត្តជាមួយ Rasmus ជាក់ស្តែងការប្រកួតដំបូងរបស់គាត់ យើងឃើញថាគាត់មានសកម្មភាពច្រើនលើទីលាន។ គាត់បានលេងទល់ជាមួយក្រុម Arsenal ឥឡូវនេះគាត់បានចាប់ផ្តើមហើយ ក្នុងពេលនោះយើងបានបញ្ចូលគាត់នៅក្នុងជម្រើសដំបូងរបស់ក្រុម។ យើងមានទំនុកចិត្តយ៉ាងខ្លាំងចំពោះគាត់»៕
