កីឡាករ Robert Lewandowski បាននិយាយថាគាត់មិនដែលមានគំនិតចង់ចាកចាកចេញពី Barcelona ហើយទៅលេងអោយ Saudi Pro League ឬ MLS ទេ។
កីឡាករវ័យ 35 ឆ្នាំរូបនេះបានចូលរួមជាមួយក្រុម Barcelona ពីក្លឹប Bayern Munich ក្នុងកិច្ចសន្យាតម្លៃ 45 លានអឺរ៉ូ រយៈពេល 4 ឆ្នាំកាលពីរដូវក្តៅមុន ហើយគាត់បានជួយអោយក្រុមយក្សនៅអេស្បាញឈ្នះពាន Laliga ។
Lewandowski បាននិយាយអំពីអនាគតរបស់គាត់នៅក្នុងបទសម្ភាសន៍ជាមួយ AS ដោយគាត់បានបដិសេធរាល់ការលើកឡើង ដែលថាគាត់នឹងពិចារណាផ្លាស់ទៅ Saudi Pro League ដែលមានការចំណាយប្រាក់ច្រើនមិនធម្មតាលើកីឡាករនៅរដូវក្តៅនេះ ដើម្បីបង្កើនប្រជាប្រិយភាពនៃលីគ និងប្រទេសរបស់ពួកគេ។ ហើយក៏បានបដិសេធការផ្លាស់ប្តូរទៅ MLS បើទោះបីជាគាត់ធ្លាប់បង្ហាញកាលពីមុនថាគាត់ក៏ចង់ផ្លាស់ទៅកាន់សហរដ្ឋអាមេរិក ។
ប្រធានក្រុមជម្រើសជាតិប៉ូឡូញ បាននិយាយថា៖ «ខ្ញុំមិនដែលគិតអំពីការផ្លាស់ទៅអារ៉ាប៊ីសាអូឌីតទេ ។ ខ្ញុំសប្បាយចិត្តខ្លាំងណាស់នៅ Barcelona»៕
