អតីតខ្សែបម្រើស្លាប Arsenal លោក Jermaine Pennant បានប្រាប់ថា Emile Smith Rowe គឺជាជម្រើសល្អជាង Kai Havertz ដែលបានទិញកាលពីរដូវក្ដៅ ។
Havertz ដែលបានចូលរួមជាមួយក្រុមកាំភ្លើងធំក្នុងខែកក្កដា ជាផ្នែកមួយនៃកិច្ចព្រមព្រៀងផ្ទេរតម្លៃ 65 លានផោន ។ កីឡាករសញ្ជាតិអាឡឺម៉ង់រូបនេះ ត្រូវបានគេចាត់ទុកថាជាកីឡាករឆ្នើមមួយរូប ក្នុងអំឡុងពេលបីឆ្នាំរបស់គាត់ជាមួយ Chelsea ហើយអ្នកគាំទ្របានលើកឡើងថាគាត់នឹងក្លាយជាជម្រើសដំបូងនៅ Arsenal ។
ខណៈដែលកីឡាករវ័យ 24 ឆ្នាំបានទទូចក្នុងអំឡុងពេលសម្រាកអន្តរជាតិថា គាត់មិនមានការព្រួយបារម្ភអំពីការចាប់ផ្តើមជីវិតរបស់គាត់នៅភាគខាងជើងទីក្រុងឡុងដ៍នោះទេ អតីតកីឡាករកាំភ្លើងធំ Jermaine Pennant បានចែករំលែកគំនិតរបស់គាត់ដោយបានសន្មតថា Smith Rowe គួរតែត្រូវបានផ្តល់នៅក្នុងតួនាទីជាខ្សែបម្រើដែល Havertz បានកំពុងលេង។
អតីតខ្សែបម្រើស្លាប Arsenal និងជាអតីតកីឡាករជម្រើសជាតិអង់គ្លេសបានប្រាប់ OLBG ថា៖ «ខ្ញុំមិនឃើញការបង្ហាញរបស់ Havertz អាចកែប្រែ Arsenal ទៅជាក្រុមខ្លាំងជាងមុនទេ ។ ខ្ញុំមិនមានការចាប់អារម្មណ៍ចំពោះការបង្ហាញរបស់គាត់នៅ Chelsea ទេ។ ប៉ុន្តែខ្ញុំមិនដឹងថាគ្រូបង្វឹកត្រូវផ្តល់រយៈពេលប៉ុន្មានសម្រាប់គាត់នោះទេ។ Havertz គឺជាកីឡាករដ៏ល្អម្នាក់ ប្រាកដណាស់ ប៉ុន្តែខ្ញុំមិនបានមើលឃើញគាត់ ជាជម្រើសល្អជាងអ្វីដែល Arsenal មានរួចទៅហើយ។ ខ្ញុំចង់និយាយថា Smith-Rowe នៅតែសាកសមសម្រាប់តំណែងនេះ គឺជាកីឡាករដែលល្អជាង ដែលរួមចំណែកបានច្រើនជាង»។
នៅពេលត្រូវបានសួរនៅថ្ងៃផុតកំណត់នៃការផ្ទេរថាតើ Smith Rowe នឹងចាកចេញឬយ៉ាងណា Arteta បានឆ្លើយតបយ៉ាងម៉ឺងម៉ាត់ដោយនិយាយថា៖ «បាទ តួនាទីសម្រាប់គាត់ គឺដូចកីឡាករគ្រប់គ្នា ហើយខ្ញុំនឹងព្យាយាមឱ្យគាត់បង្ហាញអោយអស់ពីសមត្ថភាពរបស់គាត់ និងធ្វើឱ្យក្រុមកាន់តែប្រសើរឡើង»៕
