ក្លឹបកាំភ្លើងធំ Arsenal ចង់បន្ថែមកិច្ចសន្យារយៈពេលវែងថ្មីមួយសម្រាប់ Ben White បើទោះបីជាខ្សែការពារមានកិច្ចសន្យារយៈពេល 3 ឆ្នាំដែលមានស្រាប់រួចទៅហើយក៏ដោយ ។
កីឡាករសញ្ជាតិអង់គ្លេសរូបនេះបានចូលរួមជាមួយ Arsenal ពី Brighton ក្នុងឆ្នាំ 2021 ក្នុងតម្លៃខ្លួន 50 លានផោន។ ចាប់តាំងពីពេលនោះមក White បានលេងជាខ្សែការពារកណ្តាល និងខ្សែការពារស្តាំ សម្រាប់ក្រុមលោក Mikel Arteta។
បន្ទាប់ពីការប្រគល់កិច្ចសន្យាថ្មីទៅឱ្យតារាឆ្នើម Bukayo Saka ក្នុងពេលនេះ Arsenal កំពុងផ្ដល់កិច្ចសន្យាអោយ Martin Odegaard ។
កីឡាករសញ្ជាតិន័រវេសកំពុងស្ថិតក្នុងការពិភាក្សាកម្រិតខ្ពស់ ដើម្បីបន្ត ដោយកីឡាករគ្រោងនឹងទទួលបាននូវការតម្លើងលើប្រាក់ចំណូលបច្ចុប្បន្នរបស់គាត់ £120,000 ក្នុងមួយសប្តាហ៍។
បើយោងតាមកាសែត Daily Mail បាននិយាយថា White គឺជាអ្នកបន្ទាប់នៅក្នុងក្រុម ហើយការពិភាក្សាទំនងជាត្រូវចាប់ផ្ដើមនៅក្នុងសប្តាហ៍ខាងមុខនេះ។
បើទោះបីជាការពិតដែលថាកិច្ចព្រមព្រៀងរបស់ White ផុតកំណត់នៅឆ្នាំ 2026 ប៉ុន្តែ Arsenal មើលឃើញពីគុណភាពរបស់កីឡាកររូបនេះ ទើបក្លឹបសម្រេចផ្ដល់កិច្ចសន្យាបន្ថែមដល់គាត់ ។ White រីករាយក្នុងការស្នាក់នៅ Emirates ហើយក្លឹបរំពឹងថាការចរចានឹងដំណើរការទៅបានយ៉ាងល្អ៕
