គេហទំព័រព័ត៌មានអេស្ប៉ាញ El Confidencial បានរាយការណ៍ថា កីឡាកររបស់ក្រុម Real Madrid បីនាក់ត្រូវបានចាប់ខ្លួន។
ប្រព័ន្ធផ្សព្វផ្សាយមួយនេះនិយាយថា ពួកគេត្រូវបានឃុំខ្លួន បន្ទាប់ពីម្តាយរបស់ក្មេងស្រីជំទង់មិនទាន់គ្រប់អាយុបានទៅប្តឹងប៉ូលីស ដើម្បីទាមទារឱ្យពួកគេម្នាក់ក្នុងចំណោមអ្នកទាំងបី ដែលបានថតវីដេអាសអាភាសរបស់ក្មេងនោះ ហើយផ្ញើវាទៅឱ្យអ្នកដទៃ។ ប៉ូលិស បាន បញ្ជាក់ថា ការចាប់ខ្លួនត្រូវបានធ្វើឡើងកាលពីយប់ថ្ងៃព្រហស្បតិ៍។
អ្នកនាំពាក្យរបស់ឆ្មាំស៊ីវិលនៅ Gran Canaria បាននិយាយថា “ម្តាយដែលអមដំណើរដោយកូនស្រីរបស់គាត់ដែលមានអាយុក្រោម 16 ឆ្នាំបានរាយការណ៍ទៅប៉ូលីសនៅ Santa Maria de Guía ក្នុងខេត្ត Las Palmas ថាកីឡាកររបស់ក្រុម Real Madrid បានថតវីដេអូដែលពួកគេរំលោភកូនស្រីគាត់។ ទាក់ទងនឹងរឿងនេះម្ដាយបាននិយាយថាកូនស្រីរបស់គាត់គ្មានការយល់ព្រមទេ ហើយវីឌីអូនោះត្រូវបានផ្សព្វផ្សាយ ។
ម្នាក់ក្នុងចំណោ អ្នកជាប់ឃុំ ជាកីឡាករ Real Madrid Castilla និងពីរនាក់ទៀត ជាកីឡាករ Real Madrid ឈុត C។ កីឡាករម្នាក់ទៀតមកពីក្លឹប Real Madrid C កំពុងត្រូវបានស៊ើបអង្កេត។
កីឡាករ Real Madrid Castilla ក៏ធ្លាប់ជាកីឡាករបម្រុងរបស់ Real Madrid ឈុតដំបូង ។ បច្ចុប្បន្នវាត្រូវបានគ្រប់គ្រងដោយលោក Raul ។
Real Madrid បាននិយាយនៅក្នុងសេចក្តីថ្លែងការណ៍តាមរយៈ WhatsApp កាលពីយប់ថ្ងៃព្រហស្បតិ៍ថា «Real Madrid មានបំណងចង់ប្រកាសថា ខ្លួនបានដឹងថាកីឡាករ បីនាក់ ទទួលបានពាក្យបណ្តឹងអំពីការផ្សាយវីដេអូឯកជន ដែលត្រូវបានចោទប្រកាន់។
នៅពេលដែលក្លឹបមានព័ត៌មានលម្អិតអំពីការពិត យើងនឹងចាត់វិធានការលើកីឡាករគ្រប់គ្នា»។
គួរបញ្ជាក់ផងដែរ គ្មានអ្នកជាប់ឃុំណាម្នាក់ ត្រូវបានគេបញ្ចេញអោយដឹងឈ្មោះ ទេ។ ប្រភពរបស់តុលាការនៅ Gran Canaria បានបដិសេធរបាយការណ៍មួយចំនួននៅក្នុងប្រទេសអេស្ប៉ាញ ដែលថាកីឡាករបានបង្ហាញខ្លួននៅក្នុងតុលាការ ហើយត្រូវបានអនុញ្ញាតឱ្យនៅក្រៅឃុំ បន្ទាប់ពីការបង្ហាញខ្លួននៅចំពោះមុខចៅក្រម។ អ្នកខាងក្នុងផ្នែកតុលាការ បាននិយាយថារ បាយការណ៍របស់ប៉ូលីសត្រូវបានគេរំពឹងថា នឹងបញ្ជូនទៅចៅក្រមនៅថ្ងៃសុក្រដែលនឹងសម្រេចថាពេលណាត្រូវកោះហៅពួកគេមកសាកសួរ៕
