ខ្សែការពារ Takehiro Tomiyasu របស់ក្រុម Arsenal ជឿជាក់ថា គាត់ត្រូវតែមានទំនុកចិត្តបន្ថែមទៀតសម្រាប់ក្រុមនៅ Premier League បន្ទាប់ពីធ្វើបានយ៉ាងល្អសម្រាប់ប្រទេសជប៉ុនកាលពីសប្តាហ៍មុន។
ខ្សែការពារស្តាំគឺជាតួអង្គសំខាន់ ខណៈដែលក្រុមរបស់គាត់បានផ្តួលក្រុមអាល្លឺម៉ង់ 4-1 ក្នុងការប្រកួតមិត្តភាពនៅ Wolfsburg ហើយបន្ទាប់មកពួកគេបានផ្តួលទួរគីក្នុងលទ្ធផល 4-2 ។ នេះជាការចាប់ផ្តើមដ៏អស្ចារ្យជាមួយក្រុមជម្រើសជាតិ ក្នុងពេលនេះ គាត់បញ្ជាក់ថាគាត់ត្រូវបង្កើនទំនុកចិត្តបន្ថែមទៀត ។
គាត់បានប្រាប់ Football Zone ថា៖ «ខ្ញុំត្រូវតែផ្តល់ទំនុកចិត្តលើខ្លួនឯង។ ក្នុងន័យនេះ ខ្ញុំមានអារម្មណ៍ថា ខ្ញុំត្រូវការភាពជឿជាក់ឡើងវិញ។ រវាងការលេងជាមួយក្រុមជម្រើសជាតិ និង Arsenal វាខុសគ្នា ដូច្នេះប្រសិនបើអ្នកសួរខ្ញុំ ថាតើខ្ញុំអាចធ្វើបានល្អនៅ Arsenal ដែរឬទេ នោះគឺជារឿងផ្សេង។ នៅ Arsenal ខ្ញុំក៏ត្រូវប្រឹងអស់ពីសមត្ថភាព ដើម្បីទទួលបានកៅអីមួយក្នុងក្រុម»។
គាត់បានបន្ថែមថា៖ «ខ្ញុំចង់និយាយបែបនេះ ប៉ុន្តែខ្ញុំទទួលបានការជឿជាក់ច្រើន ពីរបៀបដែលខ្ញុំបានលេង ក្នុងការប្រកួតអន្តរជាតិ ទាំងពីរនេះ។ ឱកាសបង្ហាញភាពល្អរបស់ខ្ញុំនៅ Arsenal ក៏ខ្ញុំត្រូវធ្វើវាដូចគ្នា ខ្ញុំមិនអាចនិយាយបាន 100 ភាគរយទេ។ ខ្ញុំពិតជាមានអារម្មណ៍ថា ខ្ញុំធ្វើបានល្អនៅ Arsenal ខ្ញុំគ្រាន់តែត្រូវការទំនុកចិត្ត ការជឿជាក់នៅពេលនេះ។ ពិតណាស់ មានពេលខ្លះដែលខ្ញុំបាត់បង់ទំនុកចិត្ត។ ខ្ញុំបានគិតអំពីរឿងជាច្រើន»។
អតីតតារាឆ្នើមរបស់ Bologna សង្ឃឹមថានឹងអាចចូលរួមនៅពេលដែលក្រុមកាំភ្លើងធំប៉ះ Everton នៅថ្ងៃអាទិត្យ ឬយ៉ាងហោចណាស់ក្នុងការប្រកួត Champions League ជាមួយ PSV Eindhoven នៅថ្ងៃទី 20 ខែកញ្ញា៕
