ក្លឹប Manchester City បានជូនដំណឹងដល់ក្លឹប Barcelona និង Paris Saint-Germain ថាពួកគេមិនមានបំណងអនុញ្ញាតឱ្យខ្សែបម្រើ Bernardo Silva ចាកចេញពីក្លឹបនោះទេ ។
បើយោងតាមលោក Fabrizio Romano បានអោយដឹងថា Pep Guardiola បានប្រាប់ទៅកាន់ក្លឹបទាំងពីរ ដែលមានចំណាប់អារម្មណ៍លើកីឡាករអន្តរជាតិព័រទុយហ្គាល់វ័យ 28 ឆ្នាំថា គាត់មិនលក់កីឡាករ Silva នៅរដូវក្ដៅនេះនោះទេ ។
ម្ចាស់ជើងឯក Premier League និង Champions League មានបំណងផ្តល់ឱ្យ Bernardo នូវកិច្ចសន្យាថ្មីដើម្បីរក្សាគាត់នៅ Etihad លើសពីឆ្នាំ 2025 នៅពេលដែលកិច្ចសន្យាបច្ចុប្បន្នរបស់គាត់ផុតកំណត់៕
