Everton បានឈានដល់កិច្ចព្រមព្រៀងជាមួយ Sporting CP សម្រាប់ខ្សែប្រយុទ្ធ Youssef Chermiti នេះបើយោងតាមលោក Fabrizio Romano ។ ចំណែក Everton បានយល់ព្រមលើកិច្ចព្រមព្រៀងជាមួយក្លឹបព័រទុយហ្គាល់សម្រាប់កីឡាករវ័យ 19 ឆ្នាំរូបនេះ ដែលបានស៊ុតបញ្ចូលទីបាន 3 គ្រាប់នៅគ្រប់ការប្រកួតទាំងអស់កាលពីរដូវកាលមុន។
Everton កំពុងស្ថិតក្នុងទីផ្សារសម្រាប់ការពង្រឹងតំបន់ប្រយុទ្ធនៅរដូវក្តៅនេះ បន្ទាប់ពីការព្រួយបារម្ភអំពីបញ្ហារបួសរបស់ Dominic Calvert-Lewin ខណៈពេលដែល Neal Maupay រកបានតែមួយគ្រាប់កាលពីរដូវកាលមុន៕
