យោងតាមសារព័ត៌មាន Sport1 បានឱ្យដឹងថាក្រុម Manchester United បានចាប់អារម្មណ៍សម្រាប់ការចុះហត្ថលេខាលើខ្សែបម្រើកណ្តាល Felix Nmecha របស់ Wolfsburg វ័យ 22 ឆ្នាំ។ កីឡាករសញ្ជាតិអាឡឺម៉ង់រូបនេះ ចង់ចាកចេញពីក្លឹប Bundesliga នៅដើមរដូវក្តៅនេះ។
ចំណែកឯ Manchester United ក៏បានបើកការពិភាក្សារួចហើយ ជាមួយឪពុករបស់កីឡាករដែលជាអ្នកប្រឹក្សារបស់គាត់ ហើយត្រូវបានគេរាយការណ៍ថាកីឡាកររូបនេះមានតម្លៃប្រហែល 15 លានអឺរ៉ូ។
កីឡាករវ័យ២២ឆ្នាំរូបនេះ ធ្លាប់បានលេងនៅប្រទេសអង់គ្លេស កាលពីពេលកន្លងមក ដែលជាយុវជនថ្នាលរបស់ Manchester City។ ខ្សែបម្រើរូបនេះក៏ត្រូវបានផ្សារភ្ជាប់ជាមួយនឹងការផ្ទេរទៅកាន់ក្រុម Newcastle United ផងដែរ៕
