យើងដឹងហើយថាកីឡាបាល់ទាត់ ជាកីឡាមួយប្រភេទដែលមានការប្រកួតគ្នារវាងកីឡាករ ១១នាក់ទល់នឹង ១១នាក់នៅលើទីលានវាលស្មៅ ហើយក្នុងនោះយើងក៏សង្កេតឃើញថា កីឡាករអ្នកចាំទី ក៏ជាកីឡាករម្នាក់ដែលសំខាន់នៅក្នុងក្រុម ពួកគេមានតួនាទីក្នុងការសង្គ្រោះគ្រាប់បាល់មិនអោយចូលសំណាញ់ទី។
អ្នកចាំទីក៏អាចទទួលបានពានរង្វាន់ផ្ទាល់ខ្លួនផងដែរ គឺស្រោមដៃមាស។ បើនិយាយពីការផ្ដល់ស្រោមដៃមាសទៅដល់អ្នកចាំទី នៅក្នុងក្របខណ្ឌ Premier League បង្កើតជាលើកដំបូងនៅក្នុងរដូវកាល 2004/05 ដែលផ្តល់រង្វាន់ដល់អ្នកចាំទីដែលបានរក្សា Clean Sheet បានច្រើនជាងគេ។
កីឡាករ Petr Cech គឺជាកីឡាករចាំទីដំបូងដែលបានឈ្នះពានរង្វាន់នេះ ដោយគាត់បានរក្សាកំណត់ត្រា 24 clean sheets សម្រាប់ Chelsea ។
ឥឡូវនេះយើងមកស្គាល់អ្នកចាំទីដែលទទួលបានស្រោមដៃមាសច្រើនបំផុតទាំង ៥របស់ Premier League ក្នុងនោះរួមមាន៖
5. Alisson Becker បានឈ្នះពានរង្វាន់ស្រោមដៃមាសចំនួន 2
4. Pepe Reina បានឈ្នះពានរង្វាន់ស្រោមដៃមាសចំនួន 3
3. Ederson បានឈ្នះពានរង្វាន់ស្រោមដៃមាសចំនួន 3
2. Joe Hart បានឈ្នះពានរង្វាន់ស្រោមដៃមាសចំនួន 4
1. Petr Cech បានឈ្នះពានរង្វាន់ស្រោមដៃមាសចំនួន 4 ៕
