គ្រូបង្វឹកថ្មីរបស់ Bayern Munich លោក Thomas Tuchel មានក្តីរំភើបដែលបានរួមការងាជាមួយអតីតខ្សែប្រយុទ្ធ Sadio Mane របស់ក្លឹប Liverpool ។
Mane បានជួបបញ្ហាខ្លះៗតាំងពីមកដល់ Bayern ខណៈដែលគាត់មិនទទួលបានការពេញចិត្ត ចំពោះទម្រង់លេងរបស់គាត់ពីសំណាក់អតីតគ្រូបង្វឹក Julian Nagelsmann ។
ប៉ុន្តែ Tuchel និយាយថា៖ «ខ្ញុំស្គាល់គាត់ច្បាស់ណាស់។ អ្នកមិនគួរសួរថា តើ Sadio គឺជាកីឡាករកំពូលម្នាក់ដែរឬអត់នោះទេ?»
«គាត់បានស៊ុតបញ្ចូលទី 20ទៅ30 គ្រាប់ជារៀងរាល់ឆ្នាំសម្រាប់ Liverpool និងជាកីឡាករសំខាន់ពិតប្រាកដនៅទីនោះ។ គុណភាពរបស់គាត់គឺហួសពីការគិតរបស់យើង។ គាត់ត្រូវការពេលវេលាដើម្បីសម្របខ្លួនអោយមានភាពល្អប្រសើឡើងវិញ»៕
