សារព័ត៌មាន Defensa Central រាយការណ៍ថា Real Madrid កំពុងដាក់ការសើបអង្កេតលើកំពូលកីឡាកររបស់ Liverpool កីឡាករ Mohamed Salah ។ សារព័ត៌មានដដែលក៏បានបង្ហាញថា Salah ស្ថិតនៅក្នុងបញ្ជីឈ្មោះនៃខ្សែប្រយុទ្ធដែល Los Blancos កំពុងស្វែងរកការចុះហត្ថលេខានៅរដូវក្តៅខាងមុខនេះ។
កីឡាករសញ្ជាតិអេហ្ស៊ីបកំពុងមានរដូវកាលដ៏គួរឱ្យចាប់អារម្មណ៍នៅឯកីឡដ្ឋាន Anfield ដោយបានស៊ុតបញ្ចូលទីបាន ២២គ្រាប់ រួមជាមួយនឹងបញ្ជូនបាល់អោយមិត្តរួមក្រុមបាន ១១ដង ។
របាយការណ៍ខាងលើបានអោយដឹងថា Salah មានក្ដីសុបិនចង់ចូលរួមជាមួយក្លឹបអធិរាជស Real Madrid ដូច្នេះគាត់អាចមានភាគរយច្រើនក្នុងការផ្លាស់ទៅកាន់រដ្ឋធានីអេស្ប៉ាញ។
មិនត្រឹមតែបុណ្ណោះទេ Real Madrid ក៏បានដាក់ការចាប់អារម្មណ៍លើ Victor Osimhen និង Harry Kane ដើម្បីជាដៃគូជាមួយនឹង Mohamed Salah ៕
