យោងតាមការចេញផ្សាយរបស់លោក Fabrio Romano បានឲ្យដឹងថាអ្នកចាំទី Ederson របស់ក្រុម Manchester City មានបំណងចង់ទម្លាក់ក្រុម Real Madrid ធ្លាក់ពីក្របខ័ណ្ឌ Champions League ។
ដើម្បីអោយលោក Carlo Ancelotti ក្លាយជាគ្រូបង្វឹករបស់ប្រទេសប្រេស៊ីល «ឱ្យបានកាន់លឿនកាន់តែល្អ»។ លោក Ancelotti កិច្ចសន្យារបស់គាត់នៅ Madrid នឹងផុតកំណត់នៅចុងបញ្ចប់នៃរដូវកាលក្រោយ។
Ederson បាននិយាយនៅក្នុងសន្និសីទសារព័ត៌មានកាលពីថ្ងៃអង្គារថា «ខ្ញុំកំពុងពិភាក្សារឿងនេះជាមួយមិត្តរួមក្រុមជម្រើសជាតិ Thiago Silva ,Casemiro, Vinicius Junior, Eder Militão នឹងសហព័ន្ធបាល់ទាត់ប្រេស៊ីលពាក់ពាន់នឹងគ្រូបង្វឹកថ្មីរបស់ពួកយើង»។
ដោយបច្ចុប្បន្នលោក Ramon Menezes ដែលជាគ្រូបង្វឹកក្រុមយុវជនអាយុក្រោម 20 ឆ្នាំ ហើយឥឡូវគាត់កំពុងទទួលបន្ទុកជាគ្រូបង្វឹកបណ្ដោះអាសន្ន សម្រាប់ការប្រកួតមិត្តភាពចុងសប្តាហ៍នេះនៅប្រទេសម៉ារ៉ុក៕
