Bruno Guimaraes បានបង្ហើបថាគាត់មានទំនាក់ទំនងល្អជាមួយគ្រូបង្វឹក Manchester City លោក Pep Guardiola ។
បន្ទាប់ពី Newcastle ចាញ់ Man City 2-0 កាលពីថ្ងៃសៅរ៍ Bruno បានបង្ហើបថា Guardiola បានសរសើរការលេងរបស់គាត់បន្ទាប់ពីចប់ការប្រកួត។
ថ្លែងទៅកាន់ ESPN Brasil Bruno : «Pep បាននិយាយថា ខ្ញុំជាកីឡាករម្នាក់ដែលមានគុណភាពល្អណាស់! ពួកយើងមានទំនាក់ទំនងល្អ ពួកយើងបាននិយាយគ្នាពីរបីដងរួចមកហើយ។ សម្រាប់ខ្ញុំ Pep គឺជាមនុស្សពូកែម្នាក់ ដែលជាគ្រូបង្វឹកល្អម្នាក់ក្នុងប្រវត្តិសាស្ត្របាល់ទាត់»។
ខ្សែបម្រើរូបនេះត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្លឹបជាច្រើនរួមទាំង Man City។ កិច្ចសន្យាបច្ចុប្បន្នរបស់គាត់នៅបន្តរហូតដល់ខែមិថុនា ឆ្នាំ 2026 ។ ក្រៅពី Man City គាត់ក៏ទទួលបានកោតសរសើរពី Real Madrid និង Chelsea ផងដែរ៕
