Barcelona កំពុងស្ថិតក្រោមសម្ពាធយ៉ាងខ្លាំងខណៈដែល La Liga បង្ខំឱ្យពួកគេកាត់បន្ថយវិក្កយបត្រប្រាក់ឈ្នួលលើកីឡាករមួយចំនួន ដើម្បីអនុលោមតាមស្តង់ដារ Financial Fair Play ។ កីឡាករម្នាក់ក្នុងចំណោមកីឡាករដែលអាចប្រឈមមុខនឹងការលក់ចេញគឺ Franck Kessie។
កីឡាករសញ្ជាតិកូតឌីវ័ររូបនេះ មានខិតខំប្រឹងប្រែងយ៉ាងខ្លាំង ក្នុងការជួយក្លឹប Barcelona ប៉ុន្តែបានខកចិត្តដោយមិនបានជាប់ជម្រើសដំបូង ក្រោមការដឹកនាំរបស់លោក Xavi Hernandez។ ខណៈពេលនេះដែរមានក្លឹបនៅ Premier League ជាច្រើនចាប់អារម្មណ៍លើទម្រង់លេងរបស់ Kessie។ ប៉ុន្តែមានក្លឹបអ៊ីតាលីមួយដែលមានភាយរយច្រើនក្នុងការផ្លាស់ទៅគឺក្លឹប Inter Milan ។
បើយោងតាមការចុះផ្សាយរបស់ Gazzetta Dello Sport ដែលបានអះអាងថា ក្លឹបយក្សអ៊ីតាលី កំពុងផ្តល់អាទិភាពលើការចុះហត្ថលេខាលើតារាឆ្នើម Barcelona ដែលជាផ្នែកមួយនៃផែនការ ដើម្បីពង្រឹងនៅតំបន់បម្រើកណ្ដាលរបស់ពួកគេ៕
