ថ្មីៗនេះ Cristiano Ronaldo បានបញ្ជាក់ចំពោះការផ្ទេររបស់គាត់ទៅក្លឹប Al-Nassr។ តារាឆ្នើមសញ្ជាតិព័រទុយហ្គាល់រូបនេះ បានអះអាងថាគាត់មានការចាប់អារម្មណ៍ចំពោះចក្ខុវិស័យរបស់ក្លឹប ហើយកំពុងទន្ទឹងរង់ចាំចូលរួមជាមួយក្រុម។
ម្ចាស់ពាន Ballon d’Or ៥សម័យរូបនេះ បាននិយាយថា៖ «ចក្ខុវិស័យរបស់ក្លឹប Al-Nassr កំពុងធ្វើ និងកំពុងអភិវឌ្ឍនៅក្នុងប្រទេសអារ៉ាប៊ីសាអូឌីត ទាំងផ្នែកកីឡាបាល់ទាត់បុរស និងស្ត្រី គឺពិតជាមានការបំផុសគំនិតល្អខ្លាំងណាស់។ យើងអាចមើលឃើញពីទម្រង់លេងរបស់អារ៉ាប៊ីសាអូឌីតនាពេលថ្មីៗនេះនៅក្នុងព្រឹត្តិការណ៍ World Cup ថានេះគឺជាប្រទេសដែលមានមហិច្ឆតាបាល់ទាត់ដ៏ធំ និងសក្ដានុពលច្រើន»៕
