Cristiano Ronaldo បានហ្វឹកហាត់នៅឯ Valdebebas ដែលជាកន្លែងហ្វឹកហាត់របស់ក្រុម Real Madrid ពីរបីថ្ងៃបន្ទាប់ពីព័រទុយហ្គាល់ត្រូវបានធ្លាក់ចេញពី FIFA World Cup ឆ្នាំ 2022។ យ៉ាងណាក៏ដោយ ឥឡូវគាត់បានចាកចេញពីប្រទេសអេស្ប៉ាញហើយ។
ខ្សែប្រយុទ្ធរូបនេះបច្ចុប្បន្នគ្មានក្លឹបទេ ហើយចង់រក្សាកាយសម្បទារបស់ឲ្យនៅមាំមួន ខណៈពេលកំពុងស្វែងរកក្លឹបថ្មី។
Real Madrid មិនស្ទាក់ស្ទើរក្នុងការអនុញ្ញាតឱ្យអតីតកីឡាករឆ្នើមរបស់ពួកគេហ្វឹកហាត់នៅមជ្ឈមណ្ឌលកីឡារបស់ពួកគេឡើយ។ ទោះយ៉ាងណាក៏ដោយបន្ទាប់ពីពីរថ្ងៃនៅទីក្រុងម៉ាឌ្រីដ គាត់បានហោះហើរទៅកាន់ទីក្រុងឌូបៃតាមយន្តហោះឯកជនរបស់គាត់៕
