Emiliano Martinez បាននិយាយថាអ្នកគាំទ្រអាហ្សង់ទីននៅកាតា បានធ្វើឱ្យមានការផ្លាស់ប្តូរយ៉ាងខ្លាំងសម្រាប់ក្រុមជម្រើសជាតិរបស់ពួកគេ ក្នុងការឡើងទៅវគ្គផ្តាច់ព្រ័ត្រ។
អាហ្សង់ទីនបានយកឈ្នះក្រូអាតក្នុងវគ្គពាក់កណ្តាលផ្តាច់ព្រ័តជាមួយនឹងគ្រាប់បាល់របស់ Julian Alvarez និង Lionel Messi។
ថ្លែងទៅកាន់គេហទំព័រ beIN Sports បន្ទាប់ពីជ័យជំនះ អ្នកចាំទី Aston Villa បាននិយាយថា៖ «ខ្ញុំស្ទើរតែមិនជឿទាល់តែសោះ។ ពួកយើងបានចាញ់ការប្រកួតដំបូង រំពេចនោះ អ្វីៗគ្រប់យ៉ាងបានស្រុតចុះ មនុស្សជាច្រើនសង្ស័យយើង ព្រោះពួកគេមើលឃើញជាក់ស្តែង»។
«ទល់នឹងម៉ិកស៊ិក យើងមានភាពច្របូកច្របល់បន្តិចក្នុងតង់ទីមួយ។ មនុស្សគ្រប់គ្នាចង់ឱ្យយើងចាញ់ ដូច្នេះយើងប្រឆាំងនឹងពិភពលោកទាំងមូល»។
“ខ្ញុំរីករាយណាស់ដែលកីឡាករ 26 នាក់នេះសុទ្ធតែជាអ្នកប្រយុទ្ធ ហើយយើងមានជនជាតិអាហ្សង់ទីន 45 លាននាក់នៅពីក្រោយយើង ហើយ យើង សប្បាយ ចិត្ត ណាស់ ដែល មាន ពួក គេ»។
នៅពេលត្រូវបានសួរអំពីកាយសម្បទារបស់ Lionel Messi ហើយប្រសិនបើមានការព្រួយបារម្ភណាមួយបន្ទាប់ពីខ្សែប្រយុទ្ធរូបនេះត្រូវបានគេមើលឃើញថាមានបញ្ហាសរសៃពួររ Martinez បានឆ្លើយតបថា «ទេ ទេ យើងលេង 120 នាទីជាមួយហូឡង់ ហើយវាគឺជាការប្រកួតដ៏លំបាកសម្រាប់គាត់ ប៉ុន្តែដូចដែលអ្នកបានឃើញគាត់លេងដល់ចប់ការប្រកួត។ កាយ សម្បទារបស់គាត់ ពិត ជា ល្អ ហើយ គាត់ បាន ក្លាយ ជា កីឡាករ ឆ្នើម គ្រប់ ការ ប្រកួត»៕
