Ronaldo ត្រូវបានគ្រូបង្វឹកដាក់ឲ្យអង្គុយមើលការប្រកួតក្នុងតំណែងជាកីឡាករបម្រុង ខណៈដែលព័រទុយហ្គាល់បានបំបាក់ក្រុមជម្រើសជាតិស្វីសដោយលទ្ធផល ៦-១ ក្នុងការប្រកួត World Cup វគ្គ16ក្រុមចុងក្រោយ បន្ទាប់ពីមានបញ្ហាអាកប្បកិរិយាក្នុងការប្រកួតមុនរបស់ពួកគេជាមួយកូរ៉េខាងត្បូង។ អ្នកចាត់ការ Santos បានអះអាងថាការសម្រេចចិត្តនេះគឺជាយុទ្ធសាស្ត្រទាំងស្រុង ដោយអ្នកជំនួសតំណែងរបស់គាត់គឺ Goncalo Ramos ហើយខ្សែប្រយុទ្ធរូបនេះរកបាន Hat-trick ជាប្រវត្តិសាស្ត្រសម្រាប់ក្រុមជម្រើសជាតិព័រទុយហ្គាល់។
ថ្លែង ទៅ កាន់ អ្នក សារព័ត៌មាន ក្រោយ ការ ទទួល ជ័យ ជម្នះ លោក Santos បាន បញ្ជាក់ ថា៖ «ខ្ញុំ បាន ពន្យល់ រួច ហើយ ជុំវិញស្ថានភាព Ronaldo ដែលមិនជាប់ជម្រើស 11នាក់ដំបូង ខ្ញុំ នឹង មិន ពន្យល់ វា ម្តង ទៀត ទេ។ វា ជា យុទ្ធសាស្ត្រ ក្នុង ការ ប្រកួត។ ខុស ពី ពេលមុន ខ្ញុំ ក៏ បាន ចាប់ ផ្ដើមជាមួយ Dalot, Raphael ប៉ុន្តែ Cancelo ក៏ ជា កីឡាករ ដ៏ អស្ចារ្យ ម្នាក់ ដែរ។ វា ជា អ្វី ដែល ខ្ញុំ គិត ថា យើង នឹង ត្រូវ ការ សម្រាប់ ការ ប្រកួត ជាមួយ នឹង ស្វីស នេះ»។
គាត់បានបន្ថែមថា៖ «វាមិនមានបញ្ហាអ្វីទេរវាង Fernando Santos និងប្រធានក្រុមជម្រើសជាតិព័រទុយហ្គាល់កីឡាករ Ronaldo ពួកយើងជាមិត្តនឹងគ្នាជាច្រើនឆ្នាំ។ អ្វីៗមិនប៉ះពាល់ដល់ពួកយើងទេ ហើយគាត់គឺជាកីឡាករ និងជាប្រធានក្រុមដ៏អស្ចារ្យម្នាក់»។
បញ្ជាក់ផងដែរថា ក្រុមជម្រើសជាតិព័រទុយហ្គាល់បាន កក់ កៅអី ដើម្បីប្រកួតជាមួយក្រុមជម្រើសជាតិម៉ារ៉ុក ក្នុង ការ ប្រកួត វគ្គ ៨ ក្រុម ចុង ក្រោយ។ ឥឡូវនេះ Santos មានការសម្រេចចិត្តធំមួយក្នុងការសម្រេចចិត្តថាតើគាត់នឹងដាក់ Ronaldo ត្រលប់ទៅក្នុងជម្រើសដំបូងរបស់គាត់ឬអត់៕
