បរទេស៖ កាលពីថ្ងៃចន្ទ រុស្ស៊ីបាននិយាយថា មន្ត្រីយោធារបស់ខ្លួនចំនួន០៣នាក់ត្រូវបានសម្លាប់ និងនិយាយថា ជាការវាយប្រហារដោយយន្តហោះគ្មានមនុស្សបើករបស់អ៊ុយក្រែនទៅលើមូលដ្ឋានទ័ពអាកាសរុស្ស៊ីចំនួន០២កន្លែង ដែលមានចម្ងាយរាប់រយម៉ាយល៍ពីទីតាំងជួរមុខក្នុងប្រទេសអ៊ុយក្រែន។
ប្រទេសអ៊ុយក្រែនមិនបានអះអាងដោយផ្ទាល់ទទួលខុសត្រូវទេ។ ប្រសិនបើអ៊ុយក្រែនបានធ្វើការវាយប្រហារនោះ ពួកគេនឹងធ្វើការវាយប្រហារលើមូលដ្នានយោធានៅក្នុងតំបន់សំខាន់របស់រុស្ស៊ី ដោយទីក្រុងម៉ូស្គូចូលលុកលុយចាប់តាំងពីថ្ងៃទី២៤ ខែកុម្ភៈមក។
ក្នុងចំណោមគោលដៅវាយប្រហារទាំង០២ មានមូលដ្ឋានទ័ពអាកាសEngels ក្បែរទីក្រុងSaratov ដែលជាទីកន្លែងផ្ទុកយន្តហោះទម្លាក់គ្រាប់បែក ដែលជាផ្នែកមួយនៃកងកម្លាំងយុទ្ធសាស្ត្រនុយក្លេអ៊ែររបស់រុស្ស៊ី។
ក្រសួងការពារជាតិរុស្ស៊ីបាននិយាយថា “ក្នុងគោលបំណងដើម្បីបញ្ឍប់ការវាយប្រហារពីយន្តហោះដែលមានរយៈចម្ងាយឆ្ងាយរបស់រុស្សី រដ្ឋបាលរដ្ឋធានីKyiv បានប៉ុនប៉ងវាយប្រហារដោយប្រើប្រាស់យន្តហោះគ្មានមនុស្សបើកផលិតដោយសូវៀតទៅលើវាលយន្តហោះយោធាDyagilevo ក្នុងទីក្រុងRyazan និងវាលយន្តហោះយោធាEngels ក្នុងទីក្រុងSaratov” ៕
ប្រភព៖ អគ្គស្នងការដ្ឋាននគរបាលជាតិ
