យោងតាមសារព័ត៌មាន Caughtoffside បានឲ្យដឹងថាក្រុម Liverpool ចាប់អារម្មណ៍ក្នុងការចុះហត្ថលេខាលើ Son Heung-min របស់ក្លឹប Tottenham Hotspur ។
Son បានមកដល់ក្លឹបភាគខាងជើងទីក្រុងឡុងដ៍ក្នុងឆ្នាំ 2015 បន្ទាប់ពីបានផ្ទេរចេញពី Bayer Leverkusen ក្នុងតម្លៃ 27 លានផោន។ ក្នុងការបង្ហាញខ្លួន 341 ប្រកួតសម្រាប់ Spurs តារាឆ្នើមកូរ៉េខាងត្បូងស៊ុតបញ្ចូលទីបាន 136 គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន 76 ដង។ គាត់ក៏ជាអ្នកស៊ុតបញ្ចូលទីបានច្រើនជាងគេនៅ Premier League កាលពីរដូវកាលមុនផងដែរ។
ទោះបីជាមានកំណត់ត្រាផ្ទាល់ខ្លួនដ៏គួរឱ្យចាប់អារម្មណ៍ក៏ដោយ Son មិនបានឈ្នះពានណាមួយជាមួយ Tottenham ឡើយ។ តាមពិតទៅ Spurs មិនបានឈ្នះពានចាប់តាំងពីទទួលបាន League Cup ក្នុងឆ្នាំ២០០៨។
កិច្ចសន្យារបស់ Son ជាមួយ Spurs មានសុពលភាពររហូតដល់ខែមិថុនា ឆ្នាំ 2025។ ទោះជាយ៉ាងណាក៏ដោយ ក្លឹបបានត្រៀមខ្លួនរួចរាល់ហើយ ដើម្បីស្តាប់ការផ្តល់ជូនសម្រាប់តារាឆ្នើមកូរ៉េខាងត្បូងរូបនេះ។
យោងតាម Sport 1 កីឡាកររូបនេះគ្រោងនឹងចាកចេញពី Spurs ដើម្បីភ្លក្សរសជាតិថ្មីក្នុងអាជីពរបស់គាត់។ Liverpool ចាប់អារម្មណ៍លើកីឡាកររូបនេះ ខណៈដែលពួកគេមិនទាន់បានបំពេញចន្លោះប្រហោងដែលនៅសល់ដោយ Sadio Mane ។ កីឡាករសញ្ជាតិសេណេហ្គាល់រូបនេះបានចូលរួមជាមួយក្លឹប Bayern Munich នៅដើមរដូវកាលក្នុងតម្លៃ 28.80 លានផោន។
Mohamed Salah ក៏មានវ័យចំណាស់ដែរ។ ដូច្នេះហើយ ការបន្ថែមកម្លាំងថ្មីបន្ថែមទៀត អាចជាគំនិតដ៏ល្អសម្រាប់ក្រុមរបស់លោក Jurgen Klopp ។
គួររំលឹកឡើងវិញផងដែរថា Paris Saint-Germain និង Real Madrid ក៏ចាប់អារម្មណ៍លើ Son Heung-min ផងដែរ៕
