កីឡាករ Christian Eriksen របស់ក្លឹប Manchester United បានបង្ហើបថាតួនាទីខ្សែបម្រើកណ្តាលរបស់កីឡាករលេខ 8 គឺជាកន្លែងដែលគាត់ចូលចិត្តលេងបំផុត។
Eriksen បានប្តូរទៅ Old Trafford លើការផ្ទេរដោយឥតគិតថ្លៃ បន្ទាប់ពីបានជោគជ័យរយៈពេលប្រាំមួយខែនៅ Brentford ។ កីឡាករអន្តរជាតិដាណឺម៉ាកបានចាប់ផ្តើមការប្រកួតទាំងប្រាំបីរបស់បិសាចក្រហមនៅរដូវកាលនេះ ហើយទទួលបានការចាប់អារម្មណ៍យ៉ាងខ្លាំងនៅក្នុងតំបន់បម្រើបិសាចក្រហម។
ក្រុមរបស់លោក Erik ten Hag បានចាប់ផ្តើមរដូវកាលនេះក្នុងទម្រង់ដ៏គួរឱ្យភ្ញាក់ផ្អើល។ Eriksen គឺជាផ្នែកមួយដ៏សំខាន់របស់ក្រុម ខណៈដែលគាត់បានចាប់ដៃគូជាមួយ Scott McTominay និង Bruno Fernandes នៅតំបន់បម្រើ។
នៅពេលដែល Eriksen ត្រូវបានសួរថា កន្លែងមួយណាដែលជាទីតាំងល្អបំផុតរបស់គាត់នៅលើទីលាន អតីតខ្សែបម្រើក្រុម Tottenham Hotspur បានឆ្លើយតបតាមរយៈសារព័ត៌មាន Manchester Evening News ថា៖
«ខ្ញុំបានលេងតួនាទីផ្សេងៗគ្នាជាច្រើនក្នុងរយៈពេលដ៏ខ្លី។ ដំបូងជាខ្សែប្រយុទ្ធ ហើយបន្ទាប់មកចុះមកលេងជាខ្សែបម្រើការពារ។ ក្នុងការប្រកួតថ្មីៗ ខ្ញុំបានលេងជាខ្សែបម្រើកណ្តាល វាសាកសមនឹងខ្ញុំខ្លាំងណាស់»។
“វាពិតជាល្អណាស់ដែលយើងបានត្រលប់មកភាពល្អប្រសើរវិញ ជាមួយនឹងជ័យជម្នះ ដែលវាល្អសម្រាប់យើង និងបង្កើតទំនុកចិត្តបន្តិច»៕
