បិសាចក្រហមចង់បានខ្សែបម្រើថ្មីពេញមួយរដូវក្តៅនេះ ខណៈដែលពួកគេសម្លឹងរកការជំនួស Paul Pogba និង Nemanja Matic ដែលបានចាកចេញក្នុងនាមជាកីឡាករគ្មានតម្លៃផ្ទេរ។ ពួកគេបានតាមប្រមាញ់ខ្សែបម្រើ Frenkie de Jong របស់ Barcelona ប៉ុន្តែកីឡាករសញ្ជាតិហូឡង់រូបនេះ មិនមានចេតនាចាកចេញពី Nou Camp ក្នុងទីផ្សារដោះដូរកីឡាករបច្ចុប្បន្ននោះទេ។
Manchester United បានដាក់សំណើជាផ្លូវការសម្រាប់ខ្សែបម្រើ Fabian Ruiz របស់ Napoli នេះបើយោងតាមការចុះផ្សាយរបស់កាសែតអ៊ីតាលី Il Matino ។ យ៉ាងណាក៏ដោយ ក្រុមនៅ Serie A បានចាត់ទុកការផ្តល់ជូនដំបូងពីបិសាចក្រហមទាបពេកមិនអាចទទួលយកបាន។
គួររំលឹកឡើងវិញដែរថា Ruiz មានរដូវកាល 2021-22 ដ៏ល្អជាមួយ Napoli ។ ខ្សែបម្រើរូបនេះរកគ្រាប់បាល់បានចំនួន 7 គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន 5 ដងពីការបង្ហាញខ្លួនចំនួន 38 ប្រកួតនៅគ្រប់ការប្រកួតទាំងអស់៕
