អតីតនាយកកីឡា និងជាកីឡាកររបស់ក្លឹប Real Madrid លោក Pedja Mijatovic មិនជឿថា Cristiano Ronaldo នឹងទៅចូលរួមជាមួយ Atletico Madrid នោះទេ។
កីឡាករវ័យ 37 ឆ្នាំដែលចង់ចាកចេញពី Manchester United នៅរដូវក្តៅនេះ ត្រូវបានផ្សារភ្ជាប់យ៉ាងខ្លាំងជាមួយនឹងក្រុម AT Madrid ។
ទោះជាយ៉ាងណាក៏ដោយ វាមិនបានបញ្ឈប់ពាក្យចចាមអារ៉ាមពីការផ្សារភ្ជាប់ Ronaldo ជាមួយ Atletico នោះទេ ដោយគ្រូបង្វឹកលោក Diego Simeone ក៏ត្រូវបានគេរាយការណ៍ថា ពេញចិត្តជាមួយនឹងការមានតារាឆ្នើមនៅក្នុងក្រុមរបស់គាត់។
ទោះជាយ៉ាងណាក៏ដោយ Mijatovic បានប្រាប់ El Larguero ថា៖ «តើ Cristiano Ronaldo នឹងចូលរួមជាមួយ Atletico Madrid ដោយរបៀបណា0x017d7 ខ្ញុំគិតថាវាមិនអាចទៅរួចនោះទេ»។
គាត់បានបន្ថែមថា វាពិតជាចម្លែកក្នុងការឃើញអតីតតារាឆ្នើមរបស់ Los Blancos លេងទល់នឹងក្រុមរបស់គាត់ក្នុងការប្រកួត Madrid Derbies ។
«ក្នុងចំណោមរឿងផ្សេងទៀត ដែលត្រូវបានគេនិយាយក្នុងរយៈពេល 20 ថ្ងៃចុងក្រោយនេះ ក្លឹបដែលមានលទ្ធភាពផ្ទេរ CR7 គឺ Atletico Madrid ប៉ុន្តែខ្ញុំពិតជាមិនជឿ ដោយផ្អែកលើហេតុផលជាច្រើន។
«វានឹងក្លាយជារឿងចម្លែកណាស់ ដែលឃើញ Cristiano Ronaldo ត្រឡប់ទៅ Madrid ហើយលេងក្នុងការប្រកួត Derbies ទល់នឹង Real Madrid»។
គួររំលឹកឡើងវិញដែរថា Ronaldo បានលេងទល់នឹងក្រុម Atletico Madrid ចំនួន 37 លើក ដោយស៊ុតបញ្ចូលទីបាន 25 គ្រាប់៕
