កំពង់ស្ពឺ៖ អនុវត្តតាមបទបញ្ជាលោកឧត្ដមសេនីយ៍ទោ សម សាមួន ស្នងការនគរបាលខេត្ដកំពង់ស្ពឺ ផែននគរបាលប្រឆាំងបទល្មើសសេដ្ឋកិច្ច បានធ្វើការស្រាវជ្រាវបង្ក្រាបករណីដឹកជញ្ជូនជួញដូរសត្វព្រៃប្រភេទកម្រឃាត់ខ្លួនជនសង្ស័យបានម្នាក់រួមជាមួយសត្វ(ពង្រួលភ្នំ៥ក្បាលរស់)។
តាមការបញ្ជាក់ពីជំនាញថា ក្រោយការទទួលបានព័ត៌មានពីមូលដ្ឋានសម្ងាត់ កំលាំងជំនាញប្រឆាំងបទល្មេីសសេដ្ឋកិច្ច បានស្នេីសុំគោលការណ៍និងឈានដល់កិច្ចប្រតិបត្ដិការបង្ក្រាបជាកស្ដែងកាលពីយប់វេលាម៉ោង ១១នឹង៣០នាទី នៅចំណុចភូមិក្រាំងពលទេព សង្កាត់រការធំ ក្រុងច្បារមន ខេត្តកំពង់ស្ពឺ។ ជាលទ្ធផល ឃាត់ខ្លួនជនសង្ស័យ០១នាក់ មានឈ្មោះ ទុំ ភក្រ ភេទប្រុស អាយុ៣៨ ឆ្នាំ មានទីលំនៅភូមិពោធិមាស ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។ ដោយឡែកវត្ថុតាងជាក់ស្តែង រួមមានសត្វពង្រូល ចំនួន០៥ ក្បាល(ប្រហែល២៨kg)។ នៅថៃ្ងទី០១ ខែសីហា ឆ្នាំ២០២២ សមត្ថកិច្ចនគរបាលបានធ្វើការប្រគល់វត្ថុតាង រួមជាមួយជនសង្ស័យទៅ មន្ទីរកសិកម្មរុក្ខាប្រមាញ់និងនេសាទខេត្ដ ដេីម្បីបន្ដនីតិវិធី ៕
