នាយកប្រតិបត្តិក្លឹប Bayern Munich លោក Olivier Kahn បានបង្ហើបថា ម្ចាស់ជើងឯក Bundesliga បានពិភាក្សាផ្ទៃក្នុងរបស់ក្លឹបអំពីការផ្ទេរកីឡាករ Cristiano Ronaldo របស់ក្លឹប Manchester United មុនពេលសម្រេចចិត្តបដិសេធឱកាសនេះ។
កីឡាករវ័យ 37 ឆ្នាំរូបនេះត្រូវបានគេរាយការណ៍ថាចង់ចាកចេញពី Manchester United នៅរដូវក្តៅនេះ ហើយត្រូវបានផ្សារភ្ជាប់ជាមួយនឹងក្លឹបកំពូលមួយចំនួនរួមទាំង Bayern ដោយហេតុផល Robert Lewandowski បានចាកចេញទៅចូលរួមជាមួយ Barcelona ។
ថ្លែងទៅកាន់សារព័ត៌មានអាល្លឺម៉ង់ Bild លោក Olivier Kahn បាននិយាយថា៖ «យើងបានពិភាក្សាគ្នាអំពី Cristiano Ronaldo សម្រាប់ផ្ទៃក្នុងរបស់ក្លឹប ខ្ញុំចាត់ទុកគាត់ជាកីឡាករបាល់ទាត់ដ៏អស្ចារ្យបំផុតដែលមិនធ្លាប់មាន។ បន្ទាប់មកយើងបានសម្រេចថា ទោះបីជាមានការកោតសរសើរចំពោះ Cristiano ក៏ដោយ គាត់នឹងមិនសមនឹងទម្រង់លេងរបស់យើងក្នុងស្ថានភាពបច្ចុប្បន្ននោះទេ»៕
