Chelsea បានបញ្ជាក់ថា Petr Cech នឹងចាកចេញពីតួនាទីជាអ្នកប្រឹក្សាបច្ចេកទេសរបស់ក្លឹបនៅថ្ងៃទី ៣០ ខែមិថុនានេះ។
បុរសរវ័យ 40 ឆ្នាំដែលបានត្រលប់ទៅជួយ Chelsea វិញក្នុងខែមិថុនា ឆ្នាំ 2019 បន្ទាប់ពីបានប្រកាសចូលនិវត្តន៍ពីអាជីពអ្នកការពាសំណាញ់ទី បានប្រាប់គេហទំព័រផ្លូវការរបស់ក្លឹបអំពីការសម្រេចចិត្តចុះចេញពីដំណែងរបស់គាត់ថា «វាជាកិត្តិយសដ៏ធំមួយក្នុងការបំពេញតួនាទីនេះនៅ Chelsea នាពេលបីឆ្នាំកន្លងមកនេះ»។
«ជាមួយនឹងក្លឹបដែលស្ថិតក្រោមភាពជាម្ចាស់ថ្មី ខ្ញុំមានអារម្មណ៍ថាពេលនេះជាពេលវេលាដ៏ត្រឹមត្រូវសម្រាប់ខ្ញុំក្នុងការដើរចេញ»។
«ខ្ញុំរីករាយដែលក្លឹបឥឡូវនេះស្ថិតក្នុងចំណាត់ថ្នាក់ដ៏ល្អជាមួយម្ចាស់ថ្មី ហើយខ្ញុំជឿជាក់ទៅថ្ងៃអនាគតក្លឹបទទួលបានភាពជោគជ័យបន្ថែមទៀត»។
Boehly ដែលជាប្រធាន និងជាម្ចាស់សហគ្រប់គ្រងបានបន្ថែមថា «Petr គឺជាសមាជិកដ៏សំខាន់នៃគ្រួសារ Chelsea។ យើងយល់ពីការសម្រេចចិត្តរបស់គាត់ក្នុងការចាកចេញ ហើយអរគុណគាត់សម្រាប់ការរួមចំណែករបស់គាត់ក្នុងនាមជាទីប្រឹក្សា និងការប្តេជ្ញាចិត្តរបស់គាត់ចំពោះក្លឹប និងសហគមន៍របស់យើង។ យើងសូមជូនពរឱ្យជោគច័យគ្រប់ភារកិច្ច»៕
