យោងតាមអ្នកកាសែត Romeo Agresti បានឲ្យដឹងថាតារាឆ្នើមរបស់ក្លឹប Paris Saint-Germain កីឡាករ Angel Di Maria បានយល់ព្រមចូលរួមជាមួយក្លឹប Juventus ដោយគ្មានតម្លៃផ្ទេរនៅរដូវក្តៅនេះ។
Di Maria និង Juventus ត្រូវបានគេរាយការណ៍ថា កំពុងធ្វើការលើកុងត្រាលម្អិតចុងក្រោយជុំវិញការផ្លាស់ប្តូរនេះ។ គ្រូបង្វឹកក្រុម Juve លោក Massimiliano Allegri កំពុងសម្លឹងរកការកែប្រែក្រុមដែលនៅទ្រឹងរបស់គាត់ឡើងវិញ ខណៈបានបញ្ចប់ត្រឹមចំណាត់ថ្នាក់លេខ 4 ក្នុងក្របខ័ណ្ឌ Serie A កាលពីរដូវកាលមុន។
គួររំលឹកឡើងវិញដែរថា Di Maria បានបង្ហាញខ្លួនសរុបចំនួន ២៩៥ប្រកួតឱ្យក្រុម PSG ដោយស៊ុតបញ្ចូលទីបាន ៩៣គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន១ ១៣លើក។ កាលពីរដូវកាលមុន ខ្សែបម្រើស្លាបសញ្ជាតិអាហ្សង់ទីន បង្ហាញខ្លួនបានចំនួន 31 ដងដោយស៊ុតបញ្ចូលទីបាន 5 គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន 9 ដង៕
