យោងតាមអ្នកកាសែត Mike Verweij បានឲ្យដឹងថាក្លឹប Arsenal បានដាក់សំណើរទិញខ្សែការពារ Lisandro Martinez របស់ Ajax ដែលកំពុងត្រូវបានចាប់អារម្មណ៍ដោយ Manchester United ផងដែរ។
ក្រុមកាំភ្លើងធំបានបង្កើនការដេញថ្លៃរបស់ពួកគេរហូតដល់ 40 លានអឺរ៉ូ រួមទាំងប្រាក់រង្វាន់ផ្សេងទៀតផងដែរ សម្រាប់កីឡាករសញ្ជាតិហូឡង់។ ទោះជាយ៉ាងណាក៏ដោយ ក្រុមជើងឯក Eredivisie កំពុងទាមទារតម្លៃប្រមាណ 50 លានអឺរ៉ូ។ យោងតាម Mirror បានឲ្យដឹងថាថ្មីៗនេះ Man Utd និង Arsenal បានជួបជាមួយអ្នកតំណាងរបស់ Martinez រួចរាល់ហើយ ដោយក្រុមកាំភ្លើងធំក៏ធ្លាប់ដាក់សំណើរម្តងរួចមកហើយក្នុងតម្លៃប្រហែល 29 លានអឺរ៉ូ ប៉ុន្តែត្រូវបានបដិសេធ។
បញ្ជាក់ផងដែរថា បច្ចុប្បន្ន Martinez មានវ័យ 24 ឆ្នាំ បង្ហាញខ្លួនបាន 36 ប្រកួតសម្រាប់ Ajax ក្នុងយុទ្ធនាការចុងក្រោយ ដោយបានរួមចំណែករកគ្រាប់បាល់បានមួយគ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីបាន 4 ដង៕
