វៀតណាម៖ កាលពីល្ងាចថ្ងៃទី១១ ខែឧសភា ឆ្នាំ២០២២ក្រុមជម្រើសជាតិអាយុក្រោម ២៣ឆ្នាំកម្ពុជា បានប្រកួតចាញ់ សិង្ហបុរី ដោយលទ្ធល ១-០ សម្រាប់ការប្រកួតទី២ ប្រចាំពូល B នៃព្រឹត្តិការណ៍កីឡាអាស៊ីអាគ្នេយ៍ លើកទី៣១ នៅប្រទេសវៀតណាម។
ក្រោយចប់ការប្រកួតលោក Ryu Hirose គ្រូបង្វឹក U-23 កម្ពុជា បានបញ្ជាក់ថា “នេះគឺជាការប្រកួតដ៏លំបាកមួយ។ យើងខកខានឱកាសល្អៗជាច្រើន ហើយត្រូវទទួលបានលទ្ធផលដ៏ក្រៀមក្រំ។ ការទំនាក់ទំនងគ្នារវាងកីឡាករ គឺមិនល្អ ដែលនោះហើយជាមូលហេតុធ្វើអោយការទាត់បញ្ចូលទីមិនសូវល្អ ហើយការបញ្ចូនបាល់ក៏មិនល្អដូចគ្នា។ យើងនឹងធ្វើការកែតម្រូវ។ យើងក៏មិនមានសំណាងក្នុងការបញ្ចប់ទី ដែលនេះប៉ះពាល់ដល់អារម្មណ៍របស់កីឡាករ។ ខ្ញុំសង្ឃឹមថាកីឡាករនឹងមានភាពចាស់ទុំជាងមុន”៕
ប្រភព៖ Cambodia 2023
