បរទេស៖ កាលពីថ្ងៃពុធ នាយករដ្ឋមន្ត្រីអង់គ្លេសលោក Boris Johnson បាននិយាយថា លោកបានយល់ព្រមលើកិច្ចព្រមព្រៀងថ្មីជាមួយប្រទេសស៊ុយអែត និងហ្វាំងឡង់ ដើម្បីពង្រឹងសន្តិសុខអឺរ៉ុប ដោយសន្យាថា នឹងគាំទ្រកងកម្លាំងប្រដាប់អាវុធរបស់ប្រទេសទាំងពីរ ប្រសិនបើពួកគេរងការវាយប្រហារ ។
កាលពីថ្ងៃពុធ លោក Johnson បានចុះហត្ថលេខាលើកិច្ចព្រមព្រៀងថ្មីនេះ ដែលបានពិពណ៌នាដោយចក្រភពអង់គ្លេសថា “ជាការផ្លាស់ប្តូរមួយជំហានក្នុងកិច្ចសហប្រតិបត្តិការលើវិស័យការពារជាតិ និងសន្តិសុខ” ក្នុងអំឡុងពេលធ្វើដំណើរទស្សនកិច្ចទៅកាន់ប្រទេសស៊ុយអែត និងហ្វាំងឡង់ ។
នៅក្នុងសន្និសីទសារព័ត៌មាននៅទីក្រុង Helsinki លោក Johnson បាននិយាយថា “កិច្ចព្រមព្រៀងនោះបាននិយាយពី ការដែលកើតមានគ្រោះមហន្តរាយ ឬនៅក្នុងករណីដែលមានការវាយប្រហារមកលើប្រទេសណាមួយ គឺយើងនឹងផ្តល់ជំនួយឲ្យគ្នាទៅវិញទៅមក រួមទាំងជំនួយផ្នែកយោធាផងដែរ” ។
ការឈ្លានពានរបស់រុស្ស៊ីលើអ៊ុយក្រែនបានបង្ខំឲ្យមានការពិចារណាឡើងវិញពីរបៀបការពារសន្តិសុខជាតិរបស់ប្រទេសស៊ុយអែត និងហ្វាំងឡង់ ដែលជាប្រទេសជិតខាង ៕
ប្រភព៖ អគ្គស្នងការដ្ឋាននគរបាលជាតិ
