អគ្គនាយកដ្ឋាន​ពន្ធដារ ចេញ​សេចក្តីជូនដំណឹង​អោយ​ប្រុង​ប្រយ័ត្ន ក្រោយ​មនុស្ស​មួយ​ក្រុម​បាន​ប្រើប្រាស់​ឯកសណ្ឋាន​ដែល​មាន​ទម្រង់​ជា​មន្ត្រីរាជការ​ពន្ធដារ​, បង្ហោះ​រូបភាព​ក្នុង​ឯកសណ្ឋាន ព្រោះតែ​មិនមែន​ជា​មន្ត្រី​ពន្ធដារ ឬ​ជា​មន្ត្រី​ជាប់កិច្ចសន្យា​ឡើយ

ភ្នំពេញ​៖ នេះ​បើ​យោង​តាម​ការ​ចេញផ្សាយ​របស់​អគ្គនាយកដ្ឋាន​ពន្ធដារ នៅ​ថ្ងៃ​ទី​១២ ខែឧសភា ឆ្នាំ​២០២២ បានអោយ​ដឹង​អំពី​សេចក្តីជូនដំណឹង​ទាក់ទង​នឹង​មាន​មនុស្ស​មួយ​ក្រុម​ដែល​ក្នុង​នោះ​បាន​ប្រើប្រាស់ និង​ជាប់​ពាក់ព័ន្ធ​នឹង​គណនី​ក្នុង​បណ្តាញ​ទំនាក់ទំនង​សង្គម​ហ្វេ​ស​ប៊ុ​ក​ដែល​មានឈ្មោះ Thyrith Sochantha, Thirith Kong, ហម ផល្គុន និង Princess Small បាន​បង្ហោះ​ក្នុង​បណ្តាញ​សង្គម​របស់​ខ្លួន​ដោយ​មាន​សកម្មភាព​ដូច​ជា​៖ ស្លៀកពាក់​ឯកសណ្ឋាន​ដែល​មាន​ទម្រង់​ជា​មន្ត្រីរាជការ​ពន្ធដារ​, បង្ហោះ​រូបភាព​ក្នុង​ឯកសណ្ឋាន ឬ​មាន​ពាក់​កាត​សម្គាល់​អង្គភាព​នៅ​មុខ​រដ្ឋបាល​ខេត្ត​មួយ​ចំនួន ហើយ​គណនី Thyrith Sochantha និង Princess Small ក៏​បាន​បង្ហាញ​ក្នុង​គណនី​របស់​ខ្លួន​ថា កំពុង​បម្រើ​ការ​នៅ​អគ្គនាយកដ្ឋាន​ពន្ធដារ​៕