បរទេស៖ កីឡាករសញ្ជាតិព័រទុយហ្គាល់ត្រូវបានគេជម្រុញអោយមានការផ្ទេរនៅរដូវក្តៅនេះ។
នេះបើយោងតាមការចេញផ្សាយរបស់ The Daily Mail បានអោយដឹងថា ថ្នាក់ដឹកនាំរបស់ក្លឹប Manchester United កំពុងលើកទឹកចិត្ត Cristiano Ronaldo អោយធ្វើការចាកចេញនៅចុងរដូវកាលនេះ។
ថ្នាក់ដឹកនាំមួយចំនួននៅ Old Trafford មានអារម្មណ៍ថាកីឡាករវ័យ ៣៧ឆ្នាំរូបនេះ នឹងរារាំងដល់ប្រព័ន្ធថ្មីក្រោមការដឹកនាំរបស់ Erik ten Hag ដោយត្រូវបានគេរំពឹងថានឹងជំនួសតំណែងលោក Ralf Rangnick ជាអ្នកចាត់ការនៅរដូវក្តៅ។
អតីតខ្សែប្រយុទ្ធក្រុម United កីឡាករ Robin Van Persie អាចចូលរួមជាមួយក្រុមគ្រូបង្វឹករបស់ Ten Hag ប្រសិនបើគាត់ចូលកាន់តំណែង ប៉ុន្តែ Ronaldo ទំនងជានឹងត្រូវផ្ទេរចេញមុនពេលកិច្ចសន្យារបស់គាត់ផុតកំណត់៕
