លោក Jamie Carragher ដែលធ្លាប់បានឈ្នះជើងឯក UEFA Champions League មួយដង ជឿជាក់ថាក្រុម Arsenal អាចទម្លាក់ Manchester United និង Tottenham Hotspur ដើម្បីកាន់កាប់តំណែងលេខ ៤ក្នុងតារាង Premier League នៅរដូវកាលនេះ។
ក្រុមកាំភ្លើងធំបច្ចុប្បន្នស្ថិតក្នុងចំណាត់ថ្នាក់លេខ៤។ ទោះជាយ៉ាងណាក៏ដោយ ពួកគេមានតែបីពិន្ទុប៉ុណ្ណោះលើសក្រុមលេខ ៥ Spurs និង ៤ ពិន្ទុលើសក្រុមបិសាចក្រហមដែលឈរនៅលេខ ៦ ។
Carragher បានសរសើរលោក Arteta ដោយនិយាយថា៖ «រដូវកាលមុនមិនដំណើរការល្អទេ ប៉ុន្តែអ្វីដែលខ្ញុំកោតសរសើរចំពោះ Arteta គឺឃើញអ្នកគ្រប់គ្រងមានភាពក្លាហានក្នុងការសម្រេចចិត្ត។ ខ្ញុំគិតថាសូម្បីតែរដូវកាលមុននៅពេលដែលគាត់សម្រេចដក Aubameyang ចេញមុនការប្រកួត North London Derby ដោយសារតែកីឡាកររូបនេះយឺតយ៉ាវសម្រាប់ការចូលរួមហ្វឹកហាត់ នោះគឺជាការផ្លាស់ប្តូរដ៏ក្លាហានមួយ»៕
