គ្រូបង្វឹកក្រុមហង្សក្រហម Liverpool លោក Jurgen Klopp ត្រូវបានគេរាយការណ៍ថាចង់ចុះហត្ថលេខាលើខ្សែប្រយុទ្ធរបស់ក្លឹប Real Madrid កីឡាករ Rodrygo ។
គេហទំព័រអេស្ប៉ាញ Fichajes បានអះអាងថា Rodrygo អាចជាជម្រើសសម្រាប់ហង្សក្រហម ប្រសិនបើ Mohamed Salah ចាកចេញ។ ទោះបីជា Salah ស្នាក់នៅក៏ដោយ Rodrygo អាចផ្តល់ការបម្រុងទុកសម្រាប់ខ្សែប្រយុទ្ធឆ្នើមអេហ្ស៊ីប។
Rodrygo ត្រូវបានគ្រូបង្វឹកក្រុម Real Madrid លោក Carlo Ancelotti ប្រើប្រាស់យ៉ាងលើសលប់ក្នុងរដូវកាលនេះ។ កីឡាករប្រេស៊ីលបានបង្ហាញខ្លួន ២៤ ប្រកួតក្នុងនោះ ១៤ លើកបង្ហាញខ្លួនជាកីឡាករបម្រុង ហើយគាត់មិនទាន់អាចរកគ្រាប់បាល់បាននោះទេ។
ទោះបីជាមិនមានគ្រាប់បាល់ក៏ដោយ Fichajes អះអាងថាលោក Klopp ចូលចិត្តបច្ចេកទេសលេងរបស់គាត់ ដូច្នេះហើយធ្វើឱ្យ Rodrygo ក្លាយជាជម្រើសមួយនៅរដូវក្តៅ៕
