ព័ត៌មានដែលថាម្ចាស់ក្លឹប Chelsea លោក Roman Abramovich បានសម្រេចចិត្តលក់ក្លឹបបន្ទាប់ពីការលុកលុយរបស់រុស្ស៊ីលើអ៊ុយក្រែន បានរីករាលដាលដូចជាភ្លើងឆេះព្រៃ។
អតីតកីឡាករ និងជាវីរបុរសរបស់ Chelsea លោក John Terry បានឆ្លើយតបនឹងព័ត៌មានដែលលោក Roman Abramovich សម្រេចចិត្តលក់ក្លឹប។ ខ្សែការពាររូបនេះបានសរសើរមហាសេដ្ឋីជនជាតិរុស្ស៊ីនៅលើ Instagram និង Twitter ។
Terry បានសរសេរថា៖ «អរគុណ Roman ។ គាត់គឺជាម្ចាស់ដ៏ល្អបំផុតនៅក្នុងពិភពលោក»។
គួររំលឹកឡើងវិញដែរថាលោក Roman Abramovich បានទិញក្លឹប Chelsea ត្រឡប់មកវិញនៅឆ្នាំ ២០០៣ ហើយចាប់តាំងពីពេលនោះមក គ្មានក្លឹបអង់គ្លេសណាឈ្នះពានច្រើនជាងក្រុមតោខៀវទេ។ មហាសេដ្ឋីជនជាតិរុស្ស៊ីបានទិញក្លឹបក្នុងតម្លៃ ១៤០ លានផោនកាលពីឆ្នាំ ២០០៣ ដែលឥឡូវនេះមានតម្លៃជិត ៣ ពាន់លានផោន៕
