អ្នកចាត់ការទូទៅរបស់ AFC Ajax លោក Erik ten Hag បាននិយាយសារជាថ្មីថា គាត់ផ្តោតទៅលើការងារបច្ចុប្បន្នរបស់គាត់ ចំពេលមានពាក្យចចាមអារ៉ាមថាគាត់នឹងទទួលការងារនៅ Manchester United ។
អ្នកចាត់ការសញ្ជាតិហូឡង់រូបនេះ បានយកឈ្នះក្នុងលទ្ធផល ២-០ សម្រាប់ក្រុមរបស់គាត់ជាមួយនឹងក្រុម AZ Alkmaar ក្នុងពានរង្វាន់ KNVB Cup កាលពីយប់មិញ។ មុនពេលការប្រកួត Ten Hag ត្រូវបានសារព័ត៌មានសួរអំពីអនាគតរបស់គាត់ ហើយគាត់បានឆ្លើយតបថា៖
«នៅពេលនេះខ្ញុំកំពុងតែធ្វើការជាមួយ Ajax ហើយមិនមានការគិតបន្ថែមទៀតអំពីអនាគតទេ។ ការផ្តោតអារម្មណ៍គឺនៅលើរដូវកាលនេះ។ ឥឡូវនេះខ្ញុំមិនគួរជាប្រធានបទទេ។ ប្រធានបទ៖ តើយើងនឹងឈ្នះការប្រកួតដោយរបៀបណា?»៕
