Newcastle United ត្រូវបានគេរាយការណ៍ថាបានត្រៀមខ្លួនរួចរាល់ហើយ ក្នុងការចុះហត្ថលេខាលើខ្សែប្រយុទ្ធរបស់ Napoli កីឡាករ Victor Osimhen ក្នុងតម្លៃបំបែកកំណត់ត្រា ៨៤ លានផោន។
កីឡាករវ័យ ២៣ ឆ្នាំបានទាក់ទាញចំណាប់អារម្មណ៍ក្លឹបជាច្រើន ហើយអាចផ្លាស់ប្តូរចេញពី Estadio San Paolo នៅរដូវក្តៅក្រោយ។ យោងតាមរបាយការណ៍របស់ Sport Witness បានឲ្យដឹងថាក្លឹប Newcastle ត្រូវបានគេរាយការណ៍ថាកំពុងនាំមុខគេក្នុងការប្រជែងយកខ្សែប្រយុទ្ធរូបនេះ។
Eddie Howe ត្រូវបានគេរាយការណ៍ថាបានកំណត់អត្តសញ្ញាណកីឡាករអន្តរជាតិនីហ្សេរីយ៉ាជាគោលដៅទី ១ របស់គាត់ ប៉ុន្តែក្លឹបប្រហែលជាត្រូវជួបការលំបាក ព្រោះត្រូវប្រឈមមុខជាមួយការប្រកួតប្រជែងពី Manchester United ។
Osimhen បានលេចធ្លោចាប់តាំងពីចូលរួមជាមួយ Napoli ក្នុងការផ្ទេរដ៏អស្ចារ្យដែលមានតម្លៃ ៧៤ លានផោនដែលធ្វើឱ្យគាត់ក្លាយជាកីឡាករអាហ្វ្រិកថ្លៃបំផុតក្នុងប្រវត្តិសាស្ត្រ។ អតីតកីឡាករ Wolfsburg បានរះយ៉ាងត្រចះត្រចង់ នៅពេលដែលគាត់បានឈ្នះស្បែកជើងមាសក្នុងយុទ្ធនាការដ៏ជោគជ័យរបស់ប្រទេសនីហ្សេរីយ៉ានៅ FIFA Under-17 World Cup ឆ្នាំ ២០១៥ ។
ចាប់តាំងពីពេលនោះមក គាត់បានក្លាយជាកីឡាករដ៏សំខាន់បំផុតមួយសម្រាប់ក្រុម Napoli ។ Osimhen ស៊ុតបញ្ចូលទីបាន ២១ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន ៧ ដងក្នុង ៥២ ប្រកួតសម្រាប់ Napoli ។ នោះរាប់បញ្ចូលទាំងការស៊ុតបាល់បញ្ចូលទី ១១ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន ៤ ដងក្នុង ២២ ប្រកួតសម្រាប់យុទ្ធនាការនេះ៕
