បរទេស៖ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី៣ ខែមីនា ឆ្នាំ២០២២នេះ បានអោយដឹងថា ប្រជាជននៅក្នុងតំបន់អឺរ៉ុបកណ្តាលបាននាំគ្នាសម្រុកទៅទិញថ្នាំនាំអ៉ីយ៉ូឌីន (iodine) ដែលត្រូវបានគេជឿជាក់ថាអាចការពារពួកគេពីសារធាតុវិទ្យុសកម្មភាព។ ការសម្រុកទៅទិញនេះ បន្ទាប់ពីប្រទេសរុស្សីប្រកាសអោយកងកម្លាំងនុយក្លេអ៊ែរធ្វើការប្រុងជើងកាងទុក។
ក្នុងនោះប្រធានសម្ព័ន្ធឱសថម្នាក់ក្នុងប្រទេសប៊ុលហ្ការី បានបញ្ជាក់ថា “នៅក្នុងរយៈពេល ៦ថ្ងៃមកនេះ ឱសថស្ថាននានានៅក្នុងប្រទេសប៊ុលហ្ការី បានលក់ដាច់អស់នូវថ្នាំអ៉ីយ៉ូឌីន (iodine) ដែលពួកគេទុកសម្រាប់លក់រយៈពេលមួយឆ្នាំ។ ចំណែកឯ ឱសថស្ថានមួយចំនួនទៀត ក៏បានលក់ថ្នាំប្រភេទនេះអស់ពីស្ដុកផងដែរ ហើយយើងបានបញ្ជាទិញថ្នាំ iodine បន្ថែម ប៉ុន្តែខ្ញុំបារម្ភខា្លចថាវាមិនគ្រប់ គ្រាន់”៕
