Liverpool ត្រូវបានផ្សារភ្ជាប់ជាមួយនឹងការផ្លាស់ប្តូរមួយសម្រាប់ខ្សែប្រយុទ្ធសញ្ជាតិប្រេស៊ីលម្នាក់របស់ក្លឹប Ajax ។ កីឡាករវ័យ ២២ ឆ្នាំរូបនេះបានបង្ហាញខ្លួន ២៧ ប្រកួតឱ្យ Ajax នៅគ្រប់ការប្រកួតទាំងអស់ក្នុងរដូវកាលនេះ ដោយស៊ុតបញ្ចូលទីបាន ១១ គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន ៩ ដង។
Antony បានលើកឡើងថា គាត់សង្ឃឹមថានឹងអាចលេងនៅ Premier League នៅពេលណាមួយនាពេលអនាគត ប៉ុន្តែបានបន្ថែមថា បច្ចុប្បន្នគាត់សប្បាយចិត្តនៅ Ajax ។ គាត់បានបន្តថា៖ «Premier League និង La Liga គឺជាលីកដែលខ្ញុំយល់ថាអស្ចារ្យ។ នៅពេលដែលពេលវេលាត្រឹមត្រូវ ខ្ញុំសង្ឃឹមថានឹងបានលេងនៅទីនោះ»។
«ខ្ញុំសប្បាយចិត្តដែលហង្សក្រហមបង្ហាញការចាប់អារម្មណ៍មកលើរូបខ្ញុំ។ ប៉ុន្តែមានកីឡាករល្អៗផ្សេងទៀតនៅទីនេះ។ នៅពេលនេះ ខ្ញុំមិនគិតពីការផ្ទេរ ឬតម្លៃទេ ខ្ញុំសប្បាយចិត្តនៅទីនេះ»៕
