យោងតាមការចេញផ្សាយរបស់ El Chiringuito បានឲ្យដឹងថា Liverpool និង Arsenal ត្រៀមប្រជែងគ្នាដណ្តើមយកខ្សែប្រយុទ្ធម្នាក់របស់ Real Madrid។
របាយការណ៍នេះបានអះអាងថា ហង្សក្រហមមានឆន្ទៈក្នុងការផ្តល់ជូន Asensio នូវកិច្ចព្រមព្រៀងល្អប្រសើរជាងមុន ទាក់ទងនឹងប្រាក់ឈ្នួលដែលអាចទាក់ទាញកីឡាកររូបនេះបាន។
Asensio បានបង្ហាញខ្លួនចំនួន ២៨ ដងនៅគ្រប់ការប្រកួតទាំងអស់សម្រាប់ក្រុម Los Blancos ក្នុងរដូវកាលនេះ ដោយស៊ុតបញ្ចូលទីបាន ៩ គ្រាប់ និង assist បានម្តង។
កីឡាករសញ្ជាតិអេស្ប៉ាញរូបនេះ នឹងស្ថិតក្នុងឆ្នាំចុងក្រោយនៃកិច្ចសន្យារបស់គាត់នៅរដូវក្តៅនេះ ខណៈដែលកិច្ចសន្យាបច្ចុប្បន្នរបស់គាត់ជាមួយក្លឹប Real Madrid មានរហូតដល់ខែកក្កដា ឆ្នាំ ២០២៣៕
