អំឡុងពេលផ្តល់សម្ភាសជាមួយ Mundo Deportivo សម្រាប់ការប្រកួតរវាង Barca និង Espanyol គ្រូធំលោក Xavi បានធ្វើការកោសរសើរយ៉ាងខ្លាំង ចំពោះកូនក្រុមមួយរូប ថាជាកីឡាករដ៏អស្ចារ្យ ។
ជាក់ស្តែងម្នាក់ដែល Xavi ចង់សំដៅលើនោះគឺខ្សែបម្រើ Gavi ដោយបច្ចុប្បន្នគេកំពុងក្លាយជាផ្នែកមួយដ៏សំខាន់របស់ក្លិបយក្សកាតាឡាន់ ខណ:ទម្រង់លេងដ៏ល្អរបស់គេ ថែមទាំងត្រូវបានគ្រូបង្វឹកលោក Luis Enrique កោះហៅឱ្យចូលជម្រើសជាតិទៀតផង ។
លើសពីនេះលោក Xavi បាននិយាយថា ៖ «ចំពោះស្ថានភាពដែលគាត់ឆ្មក់បាល់ពីគេ គឺមានច្រើន ហើយនៅពេលដែលគាត់ដាក់សម្ពាធបន្ទាប់ពីបាត់បង់បាល់ វាពិតជាអស្ចារ្យណាស់» ។
លោកបន្ថែមទៀតថា៖ « គាត់អភិវឌ្ឍខ្លួនយ៉ាងល្អ គាត់ចេះរក្សារាងកាយគាត់ ដឹងពីរបៀបក្លាយជាកីឡាករលេងនៅទីលាន នៅវ័យត្រឹម ១៧ ឆ្នាំ តែទម្រង់លេងរបស់គាត់គឺអស្ចារ្យណាស់។ វាពិតជាអស្ចារ្យណាស់ ដែលបានបង្វឹកគាត់»៕
