Arsenal ត្រូវបានគេរាយការណ៍ថាបានដាក់សំណើរសម្រាប់ខ្សែប្រយុទ្ធរបស់ Fiorentina កីឡាករ Dusan Vlahovic ។ កីឡាករសញ្ជាតិស៊ែប៊ីរូបនេះ បានលេចចេញជាគោលដៅផ្ទេរកំពូលមួយរបស់ក្រុមកាំភ្លើងធំ ក្នុងអំឡុងពេលទីផ្សារដោះដូរកីឡាករ ដែលកំពុងបន្ត។
យោងតាមសារព័ត៌មាន Corriere della Sera បានឲ្យដឹងថាក្លឹបកាំភ្លើងធំបានផ្តល់ជូន ៥០លានផោនបូកបន្ថែមជាមួយកីឡាករ Lucas Torreira ទៅឲ្យ Fiorentina ជាថ្នូរនឹង Vlahovic ។
បច្ចុប្បន្ន Torreira កំពុងស្ថិតក្នុងលក្ខខណ្ឌខ្ចីជើងនៅ Fiorentina រហូតដល់ចុងបញ្ចប់នៃរដូវកាលនេះ ហើយត្រូវបានគេអះអាងថាជាកីឡាករឆ្នើមម្នាក់របស់ក្លឹបនៅរដូវកាលនេះ៕
