យោងតាមរបាយការណ៍បានឲ្យដឹងថា ក្លិបអធិរាជស Real Madrid ត្រៀមកញ្ចប់លុយយ៉ាងធំ ដើម្បីផ្ទេរយក តារាឆ្នើមពីររូបគឺ Kylian Mbappe និង Erling Haaland មករួមក្រុម។
ដូចអ្វីដែលអ្នកបានដឹងហើយថា ក្លឹបយក្សអេស្ប៉ាញមួយនេះ បានតាមសម្លឹងមើលខ្សែប្រយុទ្ធទាំងពីររូបនេះ ជាយូរណាស់មកហើយមកទល់នឹងពេលនេះ ហើយដំណើរការនៃការផ្ទេរយកក៏កាន់តែខិតជិតមកដល់សម្រាប់រដូវកាល 2022 – 2023 នេះ។
គួររំលឹកដែរថា Real Madrid ក៏ធ្លាប់បានដាក់សំណើរស្នើសុំទិញ ខ្សែប្រយុទ្ធសញ្ជាតិបារាំង Mbappe ម្ដងជាពីរដងរួចមកហើយ ប៉ុន្តែត្រូវបាន PSG បដិសេធ។ តួយ៉ាងខណៈពេលនេះ Ral Madrid បានត្រៀមកញ្ចប់ទឹកប្រាក់រួចជាស្រេចហើយ សម្រាប់តម្លៃផ្ទេរ ប្រាក់ឈ្នួល និងកម្រៃជើងសារសម្រាប់ភ្នាក់ងារមួយៗ។
ជាមួយគ្នានោះ Marca បានចុះផ្សាយថា Real Madrid បានត្រៀមកញ្ចប់ទឹកប្រាក់រហូតដល់ 292 លានអឺរ៉ូ (333លានដុល្លា) ដើម្បីរ៉ាប់រង បងថ្លៃសេវាកម្មទាំងអស់ ក្នុងការនាំយក Mbappe និង Haaland មករួមក្រុម ដោយក្លឹបបានសង្ឃឹមយ៉ាងមុតមាំថា ប្រតិបត្តិការនឹងប្រព្រឹត្តទៅដោយជោគជ័យក្នុងពេលឆាប់ៗនេះ ៕
