Tottenham បានរិះគន់ Premier League និង Arsenal ជុំវិញការសម្រេចចិត្តពន្យារពេលការប្រកួត North London Derby កាលពីថ្ងៃអាទិត្យ ដោយនិយាយថាពួកគេ “ភ្ញាក់ផ្អើលយ៉ាងខ្លាំង” ដែលសំណើត្រូវបានផ្តល់។
គួរជម្រាបថា ក្រុមកាំភ្លើងធំបានដាក់កីឡាករ Folarin Balogun និង Ainsley Maitland-Niles ឲ្យខ្ចីជើងកាលពីសប្តាហ៍មុន មានកីឡាករបីនាក់ក្រៅផ្ទះសម្រាប់កាតព្វកិច្ចអន្តរជាតិសម្រាប់ការប្រកួត Africa Cup of Nations និងរបួសជាច្រើន ប៉ុន្តែកីឡាករតែម្នាក់គត់គឺ Martin Odegaard មានបញ្ហារជាមួយកូវីដ-១៩។
Tottenham ជឿថាច្បាប់ទាក់ទងនឹងការពន្យារពេលមិនត្រូវបានបង្កើតឡើងសម្រាប់ស្ថានភាពបែបនេះទេ ហើយបានស្នើសុំឱ្យ Premier League មានភាពច្បាស់លាស់ជាងមុន ជាពិសេសបានមើលឃើញសំណើផ្ទាល់ខ្លួនរបស់ពួកគេត្រូវបានបដិសេធកាលពីអតីតកាល។
យ៉ាងណាមិញ Spurs បានចេញសេចក្តីថ្លែងការណ៍មួយថា៖ «យើងសោកស្តាយក្នុងការប្រកាសថាការប្រកួត North London Derby ទល់នឹងក្រុម Arsenal ត្រូវបានពន្យារពេល។ យើងមានការភ្ញាក់ផ្អើលយ៉ាងខ្លាំងដែលកម្មវិធីនេះត្រូវបានអនុម័ត»។
«ខ្លួនយើងផ្ទាល់ធ្លាប់ត្រូវបានដកសិទ្ធិពី League Conference League របស់អឺរ៉ុប បន្ទាប់ពីករណីកូវីដ-១៩ មួយចំនួនធំ មានន័យថាយើងត្រូវកំណត់ពេលការប្រកួតឡើងវិញ ហើយពាក្យស្នើសុំរបស់យើងដើម្បីផ្លាស់ទីការប្រកួតទល់នឹង Leicester របស់យើងមិនត្រូវបានអនុម័តទេ»៕
