ថ្មីៗនេះ អ្នកគាំទ្រក្លឹប Manchester United ហាក់ដូចជាមានអារម្មណ៍ភ្ញាក់ផ្អើលបន្ទាប់ពីពួកគេទទួលបានដំណឹងថាខ្សែការពារ Phil Jones ទំនងជាចាកចេញពីក្លិប ដើម្បីផ្លាស់ទៅកាន់ Benfica ក្នុងលក្ខខណ្ឌខ្ចីជើងនាខែមករាខាងមុខនេះ។
ជាការពិតណាស់ នៅក្នុងរដូវកាលនេះ Jones មិនទាន់អាចបង្ហាញខ្លួនក្នុងការប្រកួតណាមួយនៅឡើយទេ ទោះបីជាក្រុមអវត្តមានខ្សែការពារសំខាន់ៗដូចជា Raphael Varane និង Victor Lindelof ដោយសារបញ្ហាក៏ដោយ ដូច្នេះហើយ ក៏កើតមានជាពាក្យចចាមអារ៉ាមថា រូបគេទំនងជានឹងផ្លាស់ទៅកាន់ Benfica ក្នុងទីផ្សារដោះដូរកីឡាករខែមករាខាងមុខ ដែលនៅទីនោះអាចធានាថា រូបគេនឹងទទួលបាននាទីបង្ហាញខ្លួននៅលើទីលានបានច្រើន។
យ៉ាងណាមិញ ក្រោយទទួលដំណឹងថា កីឡាករសញ្ជាតិអង់គ្លេសខាងលើ អាចនឹងចាកចេញពី Man Utd ស្រាប់តែអ្នកគាំទ្រជាច្រើនបានសម្តែងការភ្ញាក់ផ្អើល អ្នកខ្លះក៏សប្បាយចិត្ត ហើយអ្នកគាំទ្រមួយចំនួនទៀតសន្យាថា នឹងជូនដំណើរគេដល់ព្រលានយន្តហោះទៀតផង ប្រសិនបើគេពិតជាចាកចេញមែន៕
